U svoj čas śviatoje pisańnie vyratavała miascovaja žycharka Alaksandra Piatrova. Kali začynienuju ŭładami carkvu pačali rabavać, jana zabrała da siabie staruju knihu.
U carkvie Śviatoj Trojcy, što znachodzicca ŭ Astroŭnie — na radzimie słavutaha kanclera Vialikaha kniastva Litoŭskaha Lva Sapiehi — niadaŭna adbyłasia znakavaja padzieja. Siudy viarnułasia Jevanhielle, vydadzienaje bolš za stahodździe tamu, u 1896 hodzie. Hetym Jevanhiellem karystalisia padčas bohasłužeńniaŭ u chramie, pakul u 60‑ia hady minułaha stahodździa jon nie byŭ zakryty.
U svoj čas Śviatoje pisańnie vyratavała miascovaja žycharka Alaksandra Piatrova. Kali zakrytuju ŭładami carkvu pačali rabavać, jana zabrała da siabie staruju knihu. Maliłasia pa im i vieryła, što pryjdzie čas, kali Jevanhielle vierniecca ŭ chram. Zatym zdaryłasia tak, što kniha trapiła da jaje svajački Lubovi Važhuravaj, jakaja zaraz žyvie ŭ Viciebsku.
«Paśla śmierci majoj cioci moj baćka prynios Jevanhielle da nas. Naš starejšy syn Dźmitryj źviarnuŭsia da śpiecyjalistaŭ, jakija jaho adrestaŭravali. Niekatoryja, chto bačyŭ hetuju knihu ŭ našym domie, raili jaje pradać, bo kniha staražytnaja i kaštoŭnaja. Ale niešta strymlivała. A kali pačali adnaŭlać astrovienski chram, my sabralisia ŭsioj siamjoj, parailisia i vyrašyli Jevanhielle viarnuć. A jak ža inakš?», — raspaviała Luboŭ Važhurava.
Carkva Śviatoj Trojcy ŭ Astroŭnie — kultavy budynak ChVI stahodździa. Heta adzin ź niamnohich chramaŭ na Viciebščynie, jaki nie byŭ zrujnavany ŭ savieckija časy. Ciaham apošniaha hoda tut viaducca adnaŭlenčyja pracy.
Kamientary