Va ŭkrainskim Mikałajevie vybuch razburyŭ dzieviacipaviarchovy dom FOTA
Pavodle infarmacyi vidavočcaŭ, mocny vybuch adbyŭsia ŭ horadzie Mikałajeŭ (poŭdzień Ukrainy) kala 14:00.
Jak stała viadoma, razburanymi apynulisia 7, 8 i 9 pavierchi doma pa adrasie Łazurnaja, 40. Pryčyna vybuchu pakul nie ŭstanoŭlena.
Try vierchnija pavierchi dzieviacipaviarchovaha žyłoha doma całkam razburanyja. Vybuch adbyŭsia ŭ trecim padjeździe doma, paciarpieli ŭsie bližejšyja kvatery. Abłomkami zavaliła ŭvachod u padjezd.
Vybuch byŭ takoj siły, što jaho adčuli navat žychary damoŭ, raźmieščanych za niekalki kvartałaŭ ad miesca zdareńnia.
Na miesca zdareńnia prybyli hubiernatar Mikałajeŭskaj vobłaści Mikałaj Ramančuk, kiraŭnik Mikałajeŭskaj abłasnoj rady Taras Kremiń, časovy v.a. mera Mikałajeva Juryj Hranaturaŭ, namieśnik načalnika Mikałajeŭskaha abłasnoha ŭpraŭleńnia milicyi Artur Vajtenka i kiraŭnik Hałoŭnaha ŭpraŭleńnia pa nadzvyčajnych situacyjach Maksim Hrycajenka.
Vidavočcy paviedamlajuć, što miedyki vynieśli paciarpiełych z doma. Kolkaść achviar pakul nieviadoma.
Kandydat u prezidenty Ukrainy Piatro Parašenka, jaki siońnia znachodzicca ź vizitam u Mikałajevie, prybyŭ na miesca vybuchu.
Parašenka nie tolki prybyŭ da miesca vybuchu, ale taksama paŭdzielničaŭ u pasiadžeńni apieratyŭnaha štaba razam z ratavalnikami i miascovaj uładaj.
Pa słovach Piatra Parašenki, siońnia ŭ jakaści hałoŭnaj pryčyny vybuchu razhladajecca ŭciečka hazu,
choć nielha vyklučać i inšyja pryčyny ŭ suviazi ź situacyjaj u krainie, tamu adpaviednyja słužby buduć ich adpracoŭvać.
Kamientary