16 śniežnia na kanale «MuzTV» u Biełarusi budzie vychodzić prahrama «Niefarmatnaja muzyka»
Jak paviedamiła BiełaPAN hienieralny pradziusier telekanała śpiavačka Alaksandra Hajduk, 60‑chvilinnaja prahrama «Niefarmatnaja muzyka» budzie vychodzić kožnuju niadzielu.
«Pra hurty, jakija buduć brać udzieł u našaj prahramie, možna skazać, što jany nie ŭpisvajucca ŭ tradycyjny farmat «MuzTV» u Biełarusi. Muzyki, jakaja nie traplaje pad vyznačeńnie «pop», u našaj krainie vielmi šmat. Chaciełasia b, kab u Biełarusi jaje vykanaŭcaŭ taksama viedali. Naša prahrama budzie srodkam jaje papularyzacyi», — zaznačyła A.Hajduk.
Pavodle jaje słoŭ, u pieršych vypuskach «Niefarmatnaj muzyki» hledačy ŭbačać hurty «Dzieci dziaciej» i «Miechanika». Da ŭdziełu ŭ prahramie taksama zaprošany hurt «N.R.M.». Pit Paŭłaŭ pahadziŭsia supracoŭničać i abiacaŭ u chutkim časie pradastavić svaje videaroliki.
Ratacyja vykanaŭcaŭ budzie prachodzić šlacham hałasavańnia z dapamohaj sms‑paviedamleńniaŭ. Takim čynam, u budučym efiry budzie farmiravać hladacki vybar, zaznačyła A.Hajduk.
Dla taho kab z samaha pačatku źviarnuć uvahu na prahramu, płanujucca roznyja rozyhryšy, pryzy i padarunki dla hledačoŭ.
«Hledača, na moj pohlad, treba nakiravać na «Niefarmatnuju muzyku» i padrychtavać da taho, što na kanale «MuzTV» u Biełarusi, jaki addaje pieravahu papularnaj masavaj muzycy, źjaviacca nietradycyjnyja dla nas vykanaŭcy», — ličyć hienieralny pradziusier.
-
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)
-
Vyjšaŭ pierakład ramana Sašy Filipienki «Viartańnie ŭ Astroh»
-
«Naša Niva» vypuściła vialiki siužet pra zorku «Pieśniaroŭ» Leanida Bartkieviča
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary