Biełaruski muzyka, hitaryst hurta N.R.M. Pit Paŭłaŭ bačyć mała sensu ad tranślacyi klipaŭ alternatyŭnych vykanaŭcaŭ u efiry muzyčnych kanałaŭ.
Pra toje, što na kanale «BiełMuzTV» štoniadzielu budzie vychodzić prahrama pra alternatyŭnych biełaruskich muzykaŭ, siońnia paviedamiła BiełaPAN pradziusierka kanała, śpiavačka Alaksandra Hajduk. Spadarynia Hajduk kazała, što ŭdzieł u prahramie voźmie, da prykładu, hurt N.R.M., a jaho hitaryst Pit Paŭłaŭ navat abiacaŭ pradastavić klipy dla tranślacyi. Adnak Pit Paŭłaŭ navinu pra isnavańnie prahramy pačuŭ ad žurnalista Racyi:
Nie viedaju, adkul u vas infarmacyja, ale ja pra heta ničoha nie čuŭ.
Pit Paŭłaŭ kaža, što svaje klipy na «BiełMuzTV» jon davać nie admaŭlajecca. Muzyka navat zacikaŭleny ŭ tym, kab jaho tvory prysutničali ŭ efiry. Adnak efektyŭnaść ad hetaha, pa słovach Paŭłava, budzie minimalnaj.
Navat kali ja dva razy pakažu pa telebačańni svoj klip, to heta budzie paznačać, što ja dva razy pakazaŭ pa telebačańni svoj klip.
Pit Paŭłaŭ kaža, što kiraŭnictva muzyčnych kanałaŭ Biełarusi nie nadta zacikaŭlenaja ŭ supracy ź biełaruskimi alternatyŭnymi muzykami. Ich klipy staviać u efir tolki tady, kali bolš pakazvać niama čaho. Z druhoha boku, nie varta zabyvacca na presinh uładaŭ u dačynieńni da niekatorych hurtoŭ. U vyniku hetaha lubaja inicyjatyva televizijščykaŭ budzie skančacca tam, dzie pačynajucca zabarony.
Pobač z Łukašenkam na chakiei źjaviłasia novaja pryhažunia10
Kamientary