Zvarot biełarusaŭ Biełastoččyny: «Achviarnaściu napiaredadni 25 Sakavika vy ŭlili nadzieju...»
My, udzielniki śviatkavańniaŭ 88-ch uhodkaŭ Aktu 25 sakavika 1918 h., vykazvajem salidarnaść z usimi tymi biełaruskami i biełarusami na našaj duchoŭnaj Baćkaŭščynie, jakija tak mužna adstojvajuć siońnia idei niezaležnaj i svabodnaj Biełarusi.
My, udzielniki śviatkavańniaŭ 88-ch uhodkaŭ Aktu 25 sakavika 1918 h., vykazvajem salidarnaść z usimi tymi biełaruskami i biełarusami na našaj duchoŭnaj Baćkaŭščynie, jakija tak mužna adstojvajuć siońnia idei niezaležnaj i svabodnaj Biełarusi.
Biełaruskaje hramadztva, niahledziačy na represii, dakazała, što choča pieramienaŭ, i svaimi dziejańniami nabližaje toj momant, kali adčuje siabie sapraŭdnym haspadarom u svaim biełaruskim domie. Svajoj achviarnaściu napiaredadni Dnia 25 sakavika vy taksama ŭlili nadzieju ŭ sercy i dušy biełarusaŭ pa-za miežami Baćkaŭščyny. Dziakuj vam za heta.
My poŭnaściu ŭśviedamlajem, što bieź biełaruskaj pavodle źmiestu dziaržavy dalejšy los našaj nacyjanalnaj mienšaści ŭ Polščy značna ŭskładniajecca.
Siońnia z hetaha miesca my vykazvajem spadziavańnie, što Biełaruś chutka paviernie na šlach demakratyčnaj dziaržavy, dzie tolki kanstytucyjny paradak vyznačaje palityčna-hramadzkaje žyćcio krainy. Krainy, u jakoj niama palityčnych viaźniaŭ i represijaŭ suprać svajho narodu.
Biełaruskaja niezaležnaja ideja, niahledziačy na ŭsie składanaści i represii, – zaŭsiody vyžyvie. Śviatkujučy i ŭšanoŭvajučy pamiać zmaharoŭ za Biełaruskuju Narodnuju Respubliku, my možam tolki paŭtaryć i być viernymi ich zapavietu. Kali jość ideja, tady i budzie pieramoha. Žyvie Biełaruś!
Staršynia Biełaruskaha sajuzu ŭ Polščy
Kamientary