Novy feljeton z błohu Lolika Uškina.
Pa sutnaści sistema adrasnaj sacyjalnaj dapamohi, jakaja ŭstupaje ŭ siłu, pracuje pa toj ža schiemie, što i zachodnija fondy, z hrantaŭ jakich časam žyvuć baćkafoby. Padumaŭ: naš pipł, nataskany ź dziacinstva da pisańnia zajaŭ na atrymańnia adraski, u pierśpiekcivie lohka pačnie pisać aplikejšany na Sorasa, Kamisiju pa Małych hrantach Kanhresu ZŠA, Ebierta, Tasis i h.d.. Nie abyjdziecca naturalna biez błytaniny.
Kabiniet čynoŭnika.
Hramadzianin piensijnaha ŭzrostu: Možna?
Čynoŭnik: Što ŭ vas?
Hramadzianin: Nakont adrasnaj dapamohi. Chaču biaspłatna zdać analiz kału.
Čynoŭnik: Davajcie zajaŭku. (čytaje). Ja niešta fihova razumieju - ad kaho zajava? Niejkaja “Hramadziaskaja inicyjatyva “Piensijaniery Traktarnaha rajonu suprać źmieny klimatu”. Ašyzieli?
Hramadzianin: niešta nia toje? Ja mahu jašče napisać ad NŽO “Achova ptušak, jakija mihrujuć na poŭdzień i robiać prypynak na terytoryi Traktarnaha rajonu“. Kali pa hetaj prahramie hiender kanaje, možam ad ruchu “No homofob in Traktor ariea”.. Ja tam pa śpisam čyślusia farmalna hałoŭnym błakitnym piensijanieram Traktarnaha rajonu.
Čynoŭnik: Proźvišča Vaša pisać treba. Imia. Pašpartnyja dadziennyja. Tak. (čytaje) Dalej voś hety vyraz: “realizacyja prajektu budzie sadziejničać pašyreńniu siarod žycharoŭ Traktarnaha rajonu hramadziačnskaj śviadomaści i razumieńniu nieabchodnaści pradykalnych demakratyčnych reformaŭ”. Vy razumiejecie, što kali ja hety prajekt “Zdača analiza kała” adniasu kudy treba, što z vami zrobiać? OK. Ja hladžu vy prosta stary čałaviek. Vy nie pra arhanizacyju. Pra siabie niešta napišycie - čamu vy ličycie, što majecie prava na bonus - praviadzieńnie biaspłatnaha analizu kału.
Hramadzianin: nu dyk ja ža inakš. Jak dziesiać hadoŭ pajšoŭ na piensiu, ŭvieś čas u hramadzianskim ruchu: sieminary pa pravach emihrantaŭ, arhanizacyja rok –fiestyvalaŭ, apazicyjnyja hrafici, niezaležnaje nazirańnie za vybarami, vydańnie litaraturnaha zbornika “ Dramaturhija piensijanieraŭ Traktarnaha rajonu”.
Čynoŭnik: słuchajcie, idzicie z vašym analizam.
Hramadzianin: (sychodziačy z kabinietu): čynušy! Sabatažniki demakratyzacyi! Ja budu samamu prezidentu ZŠA skardzicca. Biurakraty.
Zvonić telefon
Čynoŭnik (kažučy ŭ słuchaŭku): Alo, Vitaju. Što? Nakont prahramy Ajreksu
małych hrantaŭ. Nu? Tak. Tak. My padajem na stvareńnie sajtu pa pravavoj adukacyi dla kantraloraŭ maršrutak pa linii Rozačka-Płošča imia Kalinina. Što kažaš? Treba rekamiendacyja ad aktyvista, jaki maje vopyt pracy ŭ śfiery achovy ptušak. Słuchaj, ja ciabie paźniej peratelefanuju... (vybiehaje z kabinietu. Čujecca jahony hołas z karydoru) Dziadula, toj što s kałam, pačakajcie.
Kamientary