Vynieśli prysudy fihurantam spravy ab padryvie samalota na aeradromie ŭ Mačuliščach

Prysud byŭ vyniesieny sudovaj kalehijaj pa kryminalnych spravach Minskaha haradskoha suda.

«Hienieralnaja prakuratura padtrymała ŭ Minskim haradskim sudzie dziaržaŭnaje abvinavačvańnie pa kryminalnaj spravie ŭ dačynieńni da 12 asob, u tym liku datyčnych da akta teraryzmu na terytoryi vajskovaha aeradroma Mačuliščy», — paviedamili ŭ viedamstvie.

Siarod tych, kaho sudzili, pieraličvajucca Mikałaj Šviec, Alaksandr Azaraŭ, Vital Jakucik, Michaił Dziomin, Dzianis Sakałoŭ, Jaŭhienija Tačyckaja, Siarhiej Łoparaŭ, Maksim Łapacin, Aleh Syčoŭ.

Padsudnych abvinavačvali pa č. 3 art. 289, č. 4 art. 309 Kryminalnaha kodeksa Respubliki Biełaruś (akt teraryzmu i naŭmysnaje pryviadzieńnie ŭ nieprydatnaść srodku pavietranaha transpartu), č. 1 art. 356 (zdrada dziaržavy), art. 358-1 (ažyćciaŭleńnie ahienturnaj dziejnaści), art. 358-1 (prachodžańnie navučańnia i inšaj padrychtoŭki dla ŭdziełu ŭ terarystyčnaj dziejnaści, a taksama niezakonnym abarocie vybuchovych rečyvaŭ i vybuchovych pryład), art. 290-1, art. 361-2 (finansavańnie terarystyčnaj i ekstremisckaj dziejnaści), art. 290-1, art. 361-2 Kryminalnaha kodeksa Respubliki Biełaruś), č. 3 art. 361-1 (udzieł u ekstremisckim farmiravańni), č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak).

U vyniku asnoŭnamu, pa viersii śledstva, vykanaŭcu, hramadzianinu Ukrainy Mikałaju Šviecu pryznačana pakarańnie ŭ vyhladzie pazbaŭleńnia voli na termin 25 hadoŭ, inšym «saŭdzielnikam» — ad 15 da 25 hadoŭ pazbaŭleńnia voli, a «inšym abvinavačanym pa spravie» — ad 2 hadoŭ 3 miesiacaŭ da 15 hadoŭ. Kankretnyja prysudy kožnamu z abvinavačanych, akramia Švieca, nie nazyvajucca.

Pry hetym Mikałaja Švieca, Alaksandra Azarava, Ału Jacutu, Vitala Jakucika, Jaŭhieniju Tačyckuju, Michaiła Dziomina i Siarhieja Łoparava sudzili zavočna. Hałoŭny fihurant spravy i, jak śćviardžali aficyjnyja orhany i prapahandysty, vykanaŭca dyviersii — Mikałaj Šviec, byŭ vyzvaleny ŭ červieni pa abmienie z Ukrainaj.

Nahadajem, ranicaj 26 lutaha 2023 hoda na aeradromie Mačuliščy zdarylisia vybuchi kala kaštoŭnaha rasijskaha samalota dalniaj raźviedki DRŁV A-50, jon byŭ padarvany ŭ dvuch miescach. Jon vykarystoŭvaŭsia dla naviadzieńnia rasijskich rakiet na celi va Ukrainie.

Paviedamlałasia, što ciapier samalot znachodzicca na ramoncie na 325-m avijacyjnym ramontnym zavodzie, jaki ŭvachodzić u skład Tahanrohskaha avijacyjnaha navukova-techničnaha kompleksu imia Bieryjeva ŭ Rasii.

• 0
• 1
• 0
• 0
• 0
• 0
• 2
• 0