Hramadstva55

Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu

«Ja krychu ašaleŭ, kali atrymaŭ apaviaščeńnie i ŭbačyŭ sumu majomasnaha padatku. Kolki ja pavinien zapłacić za transpart, nieruchomaść i ziamlu? Usiaho 36 rubloŭ», — pachvaliŭsia tyktok-błohier PałVanyč. Trapiŭšy pad chvalu abureńnia ŭ kamientaryjach, jon usio ž rastłumačyŭ, čamu tak mała.

Błohier PałVanyč. Fota ź jaho sacsietak

Kab paćvierdzić svaje słovy, błohier pakazaŭ papieru, u jakoj paznačany maleńki pamier majomasnaha padatku — 35 rubloŭ 94 kapiejki. «Ja liču, što heta vielmi niašmat», — padkreśliŭ jon.

Rolik staŭ virusnym i nabraŭ kala 870 tysiač prahladaŭ. Pad im źjaviłasia bolš za 3500 kamientaroŭ: ludzi raspaviadali, kolki im naličyli, i padazravali, što błohier niešta niedahavorvaje.

Watch on TikTok

«U mianie 470 rubloŭ — dom, kvatera, ziamla i nieruchomaść, a zarpłata — 680 rubloŭ na miesiac», — paskardziłasia adna žančyna.

«Tolki za mašynu padatak 150 rubloŭ. A jašče za kvateru, ziamlu, haraž. Ludzi ŭsio žyćcio pracujuć, zdabyvajučy sabie vyhody, a potym jašče i płaci, jak byccam heta ŭsio niejki dobry čaraŭnik padaryŭ», — aburyŭsia inšy karystalnik tyktoku.

«U tym hodzie za ziamielny ŭčastak padatak byŭ 25 rubloŭ, a ŭ hetym — 192 rubli», — padzialiŭsia svaim dośviedam jašče adzin mužčyna.

Byli i sumnyja žarty: «Zdajecca, tabie rovar paličyli. U mianie za Audi A4 B6 2001 hoda — 122 rubli».

Pad chvalaj niedavieru i skieptycyzmu PałVanyč usio ž rastłumačyŭ situacyju. Pa-pieršaje, u jaho staroje aŭto — Volkswagen Passat B3 1990 hoda. A zhodna ź biełaruskim zakanadaŭstvam, nie abkładajucca padatkam transpartnyja srodki, hod vypusku jakich raniejšy za 1 studzienia 1992 hoda.

Taksama ŭ PałVanyča jość učastak u vioscy (16 sotak), i ŭ žniŭni 2023 hoda jon uvioŭ u ekspłuatacyju dom — tamu padatak jamu naličyli tolki za niekalki apošnich miesiacaŭ.

Watch on TikTok

— Pahladzim, što budzie ŭ 2024 hodzie, — kaža błohier u roliku-tłumačeńni. — Mabyć, taksama kala 200 rubloŭ.

Darečy, PałVanyč, jaki nazyvaje sabie aktyvistam-aptymistam z Kobryna, adroźnivajecca ekanomnaściu na miažy prahnaści. Raniej jon, naprykład, raspaviadaŭ, jak lohka charčavacca na 9 rubloŭ na sutki (stolki mužčyna atrymaŭ kamandzirovačnych) — i navat sprabavaŭ niešta adkłaści z tych «šalonych hrošaj». Hałoŭny łajfchak tady byŭ prostym — padjeści ŭsio, što znajšoŭ u arandavanaj kvatery.

Kamientary5

  • PałVanyč
    03.10.2024
    Dziakuj za reklamny kalab i spasyłki na kanał
    • Hubaza
      04.10.2024
      PałVanyč, hubazik acenić, što zamaŭlaješ rekłamu ŭ ekstrymistaŭ;)
  • Ohoniek
    04.10.2024
    O da, tipičnyj niŝiebrod, kotoryj siejčas vysłuživajetsia, v nadieždie, čto k korytu podpustiat. Pojuzajut kak ostalnych takich małacholnych i vybrosiat, kak tut "žienu oficiera" Artiuch. Pridybajłom nie každyj stať možiet))) Chotia PałVanych i triem piečieńkam s čajem budiet rad))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca5

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Usie naviny →
Usie naviny

«Strašna, što takoje adbyvajecca pa duraści». U vioscy pad Łahojskam — mocny pažar, zhareli niekalki damoŭ

DAI Minskaj vobłaści kaža, što DAI Hrodzienskaj vobłaści zapuściła fejk pra techahlad5

Čamu ŭ Biełarusi imkliva padaje naradžalnaść?42

U centry Minska złavili hihanckaha sudaka3

Prezident Litvy: U nas jość 4-5 hadoŭ, kab padrychtavacca da mahčymaj ahresii15

Z Čyrvonaha kaścioła ŭ Minsku ŭžo niekalki dzion vyvoziać rečy8

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram25

Zialenski pierapyniŭ bryfinh, bo jamu ŭ pramym efiry pazvaniŭ Makron3

«Nie spracavała ni adna ź sistem biaśpieki». Uładalnik Belgee, jaki dniami pieraviarnuŭsia ŭ Minsku, vyrašyŭ sudzicca z vytvorcam19

bolš čytanych navin
bolš łajkanych navin

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca5

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Hałoŭnaje
Usie naviny →

Zaŭvaha:

 

 

 

 

Zakryć Paviedamić