Kantaktnaja hrupa nakont Ukrainy źbiarecca ŭ Minsku ŭ piatnicu
Sustreča kantaktnaj hrupy pa ŭrehulavańni situacyi na ŭschodzie Ukrainy zapłanavana ŭ Minsku na piatnicu, 1 žniŭnia.
Pra heta paviedamiła krynica «Interfaksa» ŭ kantaktnaj hrupie pa praviadzieńni kansultacyj nakont mirnaha ŭrehulavańnia na ŭschodzie Ukrainy.
«Sustreča zapłanavana na piatnicu. Heta nie buduć kansultacyi pa mirnym urehulavańni.
Tam miarkujecca abmierkavać vielmi vuzkaje koła pytańniaŭ. Chutčej za ŭsio, heta možna nazvać sustrečaj pradstaŭnikoŭ samaabvieščanych respublik z ukrainskim bokam», — zajaviła krynica.
Pa słovach surazmoŭcy, padčas sustrečy treba budzie abmierkavać dva pytańni.
«Pieršaje ź ich — abmien pałonnymi, pa-druhoje, vidavočna, — harantavańnie biaśpieki ekśpiertaŭ, jakija pracujuć na miescy avaryi małajzijskaha» Boinha», — zajaviŭ surazmoŭca ahienctva.
Jon taksama paviedamiŭ, što sustreča adbudziecca va ŭsiečanym farmacie. «Miarkujecca, što kolkaść udzielnikaŭ budzie značna mienš, čym na kansultacyjach, jakija raniej pravodzili ŭ Daniecku. Ci voźmie ŭdzieł u sustrečy eks-prezident Ukrainy Leanid Kučma, pakul nieviadoma», — zajaviła krynica.
Pry hetym daradca pasolstva RF u Minsku Uładzimir Marčuk paviedamiŭ, što ŭ Minsk užo adpraviŭsia pasoł Rasii ŭ Kijevie Michaił Zurabaŭ.
Jon prybyvaje ŭ čaćvier u Minsk dla ŭdziełu ŭ pasiadžeńni kantaktnaj hrupy pa ŭrehulavańni situacyi na ŭschodzie Ukrainy.
«Siońnia ŭ pieršaj pałovie dnia z Kijeva ŭ Minsk prylacić pasoł Zurabaŭ. Pakul niama infarmacyi pra dakładny čas i miesca praviadzieńnia hetaj sustrečy», — zajaviŭ Marčuk.
«Sustreča, chutčej za ŭsio, adbudziecca siońnia ŭ Minsku», - dadaŭ surazmoŭca ahienctva.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary