Amierykancu, jaki padkładvaŭ ihołki ŭ miasa, pahražaje 70 hadoŭ źniavoleńnia
Žycharu štata Ilinojs pahražaje termin za toje, što jon ŭstaŭlaŭ šviejnyja ihołki va ŭpakavanaje miasa ŭ adnym z supiermarkietaŭ, paviedamlaje RT.
Kryminalnaja sprava raspačata ŭ dačynieńni da 68-hadovaha Ronalda Aviersa, jaki paŭstaŭ pierad sudom pa siami vypadkaŭ falsifikacyi miasnych praduktaŭ, kožny ź jakich karajecca terminam da 10 hadoŭ turemnaha źniavoleńnia i 250 tysiačami dołaraŭ štrafu.
Złačynstva raskłyłasia dziakujučy pilnamu pakupniku supiermarkieta N Save ŭ pryharadzie Sient-Łuisa, jaki paviedamiŭ, što ledź było nie prahłynuŭ ihołku, jakaja trapiła jamu ŭ kavałku miasa.
Pavodle pradstaŭnikoŭ supiermarkieta, ni adzin vypadak nie pryvioŭ da surjoznych traŭmaŭ, a psavańnie tavaru abmiažoŭvajecca tolki miasnych adździełam.
«Nichto z pakupnikoŭ, chto źviarnuŭ našu ŭvahu na dadzienuju prablemu, nie paviedamiŭ, što źviartaŭsia u miedycynskija ŭstanovy, — zajaviŭ adzin z pradstaŭnikoŭ supiermarkieta. — U nas niama padstaŭ mierkavać, što takija ž vypadki adbylisia za miežami našaj supiermarkieta».
Jak zajaŭlaje FBR, aficyjnaja skarha na dadzieny supiermarkiet była napisanaja 9 lipienia. Adnak pieršyja vypadki psavańnia praduktaŭ byli zaŭvažanyja jašče letaś u mai, kali adzin z pakupnikoŭ zaŭvažyŭ šviejnuju ihołku ŭ jałavičnym faršy. Praz čatyry miesiacy rabotnik kramy znajšoŭ ihołku, jakaja tyrčała z pakieta sa śvinymi adbiŭnymi. Zatym pakupniki pačali znachodzić ihołki va ŭsich miasnych praduktach — pačynajučy ad jałavičnaha faršu i zakančvajučy katletami.
Achova kramy ubačyła pry dapamozie kamiery nazirańnia, jak padazravany padkładvaje ihołki ŭ miasa. Zrazumieŭšy, što adbyvajecca, supracoŭniki nieadkładna paviedamili ŭ FBR.
U mašynie padazronaha była znojdziena skrynka ź ihołkami. Na pytańnie, navošta jamu stolki ihołak, jon adkazaŭ — «kab zašyć štany».
Padčas dopytu Aviers raspavioŭ, navošta jon padkładaŭ u miasnuju pradukcyju šviejnyja ihołki: «Ja rabiŭ heta prosta tak. Heta była duraść. Ja nie chacieŭ nikomu naškodzić».
Kamientary