Padčas naviedvańnia 15 žniŭnia Hrodzienskaj vobłaści Alaksandra Łukašenku prainfarmavali pra apošni etap uborki ziernievych, paviedamlaje pres-słužba kiraŭnika dziaržavy.
U krainie ŭžo namałočana zvyš 9 młn ton ziernia pry siaredniaj uradžajnaści 39,5 c/ha. Pavodle słoŭ ministra sielskaj haspadarki i charčavańnia Leanida Zajca, praz try-čatyry dni ŭborka budzie zavieršanaja poŭnaściu. Zaraz ubirajecca zbožža ŭ paŭnočnych rajonach Viciebskaj vobłaści. Dzie nieabchodna, idzie pierakidvańnie kambajnaŭ z haspadarki ŭ haspadarku, z rajona ŭ rajon.
Łukašenka daŭ pazityŭnuju acenku ŭboračnaj kampanii. «My siońnia atrymali 9 młn ton zbožža. Heta niebyvały ŭradžaj, heta toje, što nam treba. Plus jašče 1,5 młn ton, jak vy abiacajecie, ziernia kukuruzy — i my poŭnaściu pakryjem našy patreby», — skazaŭ kiraŭnik dziaržavy.
U toj ža čas jon źviarnuŭ uvahu, što z paloŭ pavinna być ubranaje ŭsio zbožža. «A to vy viedajecie, jak zvyčajna byvaje na vioscy: 5% zastałosia, i kinuli. A 5% — heta toje, čaho nam časam nie chapaje. Heta chleb. Jaho treba ciapier, nie rassłablajučysia, ubrać, dacisnuć», — padkreśliŭ Łukašenka.
Jon cikaviŭsia taksama stanam pasievaŭ, situacyjaj z uborkaj bulby i aharodniny.
Aryštavany 75‑hadovy Źmicier Sańko — vieteran-vydaviec3
Kamientary