Schovišča radyjeaktyŭnych adkidaŭ tajemna budujecca la Smalenskaj AES. Eksperty nie vyklučajuć, što radyjeaktyŭnyja adkidy buduć siudy zavozicca i ź inšych stancyj.
Schovišča radyjeaktyŭnych adkidaŭ pabudujuć na fundamientaj plicie 4‑ha enierhabłoka Smalenskaj atamnaj elektrastancyi, jakaja znachodzicca ŭ troch kiłamietrach ad Dziesnahorska, što zusim niedaloka ad biełaruskaj miažy.
Rašeńnie ab budaŭnictvie na Smalenščynie schovišča ćviordych radyjeaktyŭnych adkidaŭ pryniataje Fiederalnym ahienctvam pa atamnaj enierhii Rasijskaj Fiederacyi. Pracy pa ŭźviadzieńniu kompleksu pačalisia jašče ŭ 2001 h. Hety kompleks budzie pryznačany dla pryjomu, sartyroŭki, pierapracoŭki i zachoŭvańnia pierapracavanych vadkich i ćviordych radyjeaktyŭnych adkidaŭ.
Budaŭnictva schovišča radyjeaktyŭnych adkidaŭ vyklikaje vialikuju zaniepakojenaść u nasielnictva Smalenščyny. Asabliva chvaluje hramadskaść tajamničaść i zakrytaść pracaŭ.
Čynoŭniki ad atamnaj enierhietyki sprabujuć zaspakoić nasielnictva chacia b tym, što schovišča pryznačajecca tolki dla adkidaŭ SAES. Adnak šerah niezaležnych ekśpiertaŭ adznačajuć, što budaŭnictva takoha abjekta zadarahoje i niavyhadnaje dla adnoj atamnaj stancyi i adkidy buduć zvozicca ź inšych stancyj, jakija nie majuć śpiecyjalizavanych schoviščaŭ. Kali ž rasijanie pažadajuć padzarabić na zachoŭvańni radyjeaktyŭnych materyjałaŭ ź jeŭrapiejskich AES to śmiertanosny hruz pojdzie tranzitam praź Biełaruś.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary