Hlabalnaje paciapleńnie ŭžo adbyvajecca. Temperatura na planecie ŭ siarednim pavysiłasia na 0,7 hradusa pa Celsiju z pačatku pramysłovaj epochi — i tempy jaje pavyšeńnia majuć tendencyju da paskareńnia.
Dniami Prahrama razvićcia AAN apublikavała Spravazdaču ab razvicci čałavieka za 2007—2008 hady. Dakumient pryśviečany prablemie źmianieńnia klimatu na płaniecie. «Hłabalnaje paciapleńnie ŭžo adbyvajecca. Tempieratura na płaniecie ŭ siarednim pavysiłasia na 0,7 hradusa pa Celsiju z pačatku pramysłovaj epochi — i tempy jaje pavyšeńnia majuć tendencyju da paskareńnia», — havorycca ŭ dakumiencie.
Aŭtary Spravazdačy adznačajuć: navukovymi daśledavańniami ćviorda vyznačana, što hetaje pavyšeńnie abumoŭlena rostam kancentracyi parnikovych hazaŭ u atmaśfiery Ziamli.
«Užo siońnia mnohija biednyja ludzi śvietu i najbolš biezabaronnyja ekałahičnyja sistemy vymušany adaptavacca da zhubnych klimatyčnych źmienaŭ. Adnak pieraadoleńnie paroha tempieraturnaha pavyšeńnia ŭ 2 hradusy rezka pavialičvaje ryzyku šyrokamaštabnaha adkatu ŭ razvicci čałavieka i niezvarotnych ekałahičnych katastrof».
Vykonvajučy abaviazki pradstaŭnika PRAAN u respublicy Levan Buadze adznačyŭ, što Biełaruś robić vielmi scipły «ŭkład» u spravu» pavieličeńnia vykidaŭ. U toj ža čas šerah inšych krain maje «niedastatkova palityčnaj voli», kab pajsci na značnaje abmiežavańnie vykidaŭ u atmaśfieru parnikovych hazaŭ. Na dumku Levana Buadze, heta tłumačycca ekanamičnymi pryčynami. U vypadku pryniaćcia rašeńnia ab skaračenni vykidaŭ u atmaśfieru krainy pavinny buduć madernizavać ekanomiki. Heta, u svaju čarhu, paciahnie značnyja vydatki.
Pavodle słoŭ dyrektara departamienta hidramietearałohii Ministerstva pryrodnych resursaŭ i achovy navakolnaha asiarodździa Maryi Hiermiančuk, asablivaściu źmianieńnia klimatu ŭ apošnija dziesiacihoddzi źjaŭlajecca pavieličeńnie «ekstremalnych źjaŭ nadvorja». U Biełarusi štohod fiksujecca ad 6 da 30 takich źjaŭ.
«Heta mocnyja viatry, vialikija apadki, pavodki ŭ niekatoryja hady, zasuchi...»
Maryja Hiermiančuk dadała, što pavodle daśledavańniaŭ ajčynnych navukoŭcaŭ, z pačatku industryjalnaha pieryjadu tempieratura ŭ Biełarusi pavialičyłasia na 1 hradus pa Celsiju.
«Takim čynam, my majem niekatoryja adroźnienni ad suśvietnaj tendencyi».
«Našy haliny ekanomiki pavinny być hatovyja da źmienaŭ. I nie tolki da ekstremalnasci, ale i da pastajannaha pavyšeńnia tempieratury. Papiarednija daśledavanni pakazvajuć, što ŭžo zaŭvažanyja niekatoryja źmieny ŭ ahraklimatyčnym dzialenni krainy. Źjaŭlajecca novaja ahraklimatyčnaja zona, jakaja charaktaryzujecca bolš spryjalnymi ŭmovami dla viadzieńnia sielskaj haspadarki. Takaja zona charakternaja dla paŭnočnaj i centralnaj častak Ukrainy».
Ciapier čytajuć
Pobač z Łukašenkam na chakiei źjaviłasia novaja pryhažunia10
Kamientary