Sukupny ŭron ekanomicy Rasii ad realizacyi pahadnieńnia ab asacyjacyi Ukrainy ź ES moža skłaści bolš jak 100 młrd rasijskich rubloŭ. Ab hetym zajaviŭ prezident Rasii Uładzimir Pucin, vystupajučy siońnia ŭ Minsku na sustrečy prezidentaŭ Biełarusi, Kazachstana, Rasii, Ukrainy i vysokich pradstaŭnikoŭ ES.
Uładzimir Pucin ličyć, što z-za abnuleńnia Ukrainaj pošlin na impart ź ES adbudziecca značny rost pastavak jeŭrapiejskich tavaraŭ na ŭkrainski rynak, razmova idzie ab 98 pracentach tavarnaj namienkłatury.
«Pavodle samych ścipłych acenak, sukupny ŭron tolki ekanomicy Rasii moža skłaści 100 młrd rasijskich rubloŭ. Pad udaram buduć cełyja siektary našaj pramysłovaści i APK», — padkreśliŭ prezident Rasii. Na jaho dumku, straty buduć taksama ŭ Biełarusi i Kazachstana.
Pucin taksama ličyć, što «mienš kankurentazdolnaja ŭkrainskaja pradukcyja budzie vyciaśniacca na rynak Mytnaha sajuza, u bolšaj stupieni na rasijski rynak». «Nielha skidać z rachunkaŭ taksama ryzyku procizakonnaha reekspartu na ahulny rynak Mytnaha sajuza pradukcyi krain ES pad vyhladam ukrainskich tavaraŭ», - skazaŭ jon. Pavodle słoŭ Uładzimira Pucina, Rasija ŭ hetaj situacyi nie moža biaździejničać.
Kamientary