Zvarot bajcoŭ 98-j Śvirskaj dyvizii Pavietrana-desantnych vojskaŭ Uzbrojenych sił RF da svajakoŭ i blizkich apublikavaŭ Ukraine Crisis Media Center na svaim kanale ŭ YouTube.
Na videazapisie pałonnyja desantniki pradstavilisia pa čarzie, paśla čaho siaržant Uładzimir Sievaściejeŭ, źviartajučysia da rodnych i blizkich bajcoŭ, zajaviŭ, što na terytoryju Ukrainy jany trapili nielehalna.
«U nas zabrali dakumienty i telefony. My ścierli ŭsie numary na bajavych mašynach. Nam skazali, što tut buduć pravodzicca vučeńni.
My nie chočam vajavać z ukrainskim narodam. My nie chočam tut znachodzicca, my chočam, kab nas pieravieźli ŭ Rasiju. Prosim vas dapamahčy z hetym, bo tut niama nijakaha «Pravaha Siektara», tut žyvuć takija ž ludzi, jak my», - raspavioŭ Sievaściejeŭ.
Raniej 27 žniŭnia paviedamlałasia, što Słužba biaśpieki Ukrainy adkryła suprać zatrymanych rasijskich desantnikaŭ dźvie kryminalnyja vytvorčaści. Pa słovach načalnika śledčaha ŭpraŭleńnia SBU Vasila Voŭka, śledčym upraŭleńniem SBU pačata dasudovaje rasśledavańnie pa dvuch artykułach Kryminalnaha kodeksa Ukrainy — «udzieł u terarystyčnaj arhanizacyi, sadziejničańnie dziejnaści terarystyčnaj arhanizacyi» i «niezakonnaje abychodžańnie sa zbrojaj, bajavymi prypasami abo vybuchovymi rečyvami».
U adpaviednaści ź niadaŭna ŭniesienymi źmienami ŭ zakanadaŭstva, asoba, jakaja padazrajecca ŭ terarystyčnaj dziejnaści, ale ŭ dačynieńni da jakoj niama dastatkovych dokazaŭ, moža być zatrymana terminam na 30 sutak da rašeńnia suda. Na hetaj padstavie daniecki prakuror pryniaŭ rašeńnie ab zatrymańni 10 rasijskich desantnikaŭ.
Raniej zatrymanych na terytoryi Ukrainy rasijskich desantnikaŭ dastavili ŭ adzin sa śledčych izalataraŭ Kijeva.
Apytanka
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary