U Luksiemburhu ekshumavali prach kolišniaha kiraŭnika AUN, jaho pierapachavajuć va Ukrainie
U Luksiemburhu praviali ekshumacyju prachu Andreja Mielnika — druhoha kiraŭnika Arhanizacyi ŭkrainskich nacyjanalistaŭ (AUN), a taksama jaho žonki Safii. Paśla hetaha ich pareštki nakiravali va Ukrainu, dzie płanujecca pierapachavańnie, piša Hromadske.ua.
Pra praviedzienuju ekshumacyju paviedamiŭ ciapierašni kiraŭnik AUN Bahdan Červak. Pavodle jaho słoŭ, cyrymonija prajšła ŭračysta i z pašanaj — z kvietkami, ściaham arhanizacyi, malitvaj i žałobnymi śpievami. Ušanavańnie adbyvałasia ad imia niezaležnaj Ukrainy, na mierapryjemstvie prysutničali pradstaŭniki ŭkrainskich dziaržaŭnych struktur.
Napiaredadni stała viadoma, što ŭrad Ukrainy pryniaŭ rašeńnie pierapachavać Mielnika i jaho žonku na Nacyjanalnych vajskovych mohiłkach. Adznačajecca, što heta važnaja histaryčnaja padzieja, jakaja padkreślivaje značeńnie nacyjanalnaj pamiaci, honaru i hodnaści.
Andrej Mielnik byŭ viadomym vajskovym i palityčnym dziejačam XX stahodździa. Jon słužyŭ u vojsku Ukrainskaj Narodnaj Respubliki i byŭ blizkim paplečnikam pieršaha kiraŭnika AUN Jaŭhiena Kanavalca. Paśla śmierci Kanavalca ŭ 1938 hodzie mienavita Mielnik uznačaliŭ AUN i kiravaŭ jaje bolš pamiarkoŭnym kryłom — AUN (m), — u adroźnieńnie ad bolš radykalnaj hrupy Ściapana Bandery — AUN (b).
U roznyja pieryjady žyćcia Mielnik pieražyŭ aryšt i źniavoleńnie polskimi ŭładami, a taksama znachodziŭsia ŭ nacysckim kancłahiery Zaksienchaŭzen. Paśla Druhoj suśvietnaj vajny jon zajmaŭsia abjadnańniem ukrainskaj emihracyi i vykazaŭ ideju stvareńnia Suśvietnaha kanhresa ŭkraincaŭ.
Pamior Mielnik u 1964 hodzie ŭ Luksiemburhu, dzie i byŭ pachavany da siońnia.
«Baćka naš Bandera». Ukraincy pamianiali staŭleńnie da AUN-UPA — sacapytańnie
Łukašenka zajaviŭ pra namier pieranosić u Biełaruś pareštki savieckich sałdat ź jeŭrapiejskich krain
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary