Staršynia SPB Aleś Paškievič: «Adčuvałasia, što na advakata chtości vielmi mocna nacisnuŭ...»
Sud pa spravie Sajuza biełaruskich piśmieńnikaŭ pieraniesieny. Prybliznaj dataj pasiadžeńnia nazyvajecca 13 krasavika. Viarchoŭny sud zadavoliŭ chadajnictva SBP adkłaści razhlad sudovaj spravy pa pryčynie zaniataści abaroncy adkazčyka ŭ inšy sudovym pracesie.
Sud pa spravie Sajuza biełaruskich piśmieńnikaŭ pieraniesieny. Prybliznaj dataj pasiadžeńnia nazyvajecca 13 krasavika. Viarchoŭny sud zadavoliŭ chadajnictva SBP adkłaści razhlad sudovaj spravy pa pryčynie zaniataści abaroncy adkazčyka ŭ inšy sudovym pracesie.
Nasamreč sprava z advakatam vyhladaje tak. Jak raspavioŭ «Salidarnaści» staršynia SBP Aleś Paškievič, prablema ŭ tym, što abaronca, jaki vioŭ ich spravu, raptam paprostu źnik razam z usimi dakumientami.
– Amal try tydni my sprabavali ź im źviazacca, ale daremna, – kaža Aleś Paškievič. – Čałaviek na suviaź nie vychodziŭ. My telefanavali jamu pa ŭsich mahčymych telefonach – dadomu, na pracu. Navat dziažuryli pad voknami. Narešcie ŭsio ž vyłavili. Dziakuj, što choć svaje dakumienty my zmahli viarnuć nazad. Što ź im zdaryłasia, naš advakat tak i nie rastłumačyŭ, ale hołas i ruki ŭ jaho mocna dryžali. Adčuvałasia, što na jaho chtości vielmi mocna nacisnuŭ i čałaviek sapraŭdy baicca. Treba skazać, što takoje ź im upieršyniu. Da hetaha vypadku jon sumlenna abaraniaŭ nas u haspadarčym sudzie pa zysku z Hałoŭnaha haspadarčaha ŭpraŭleńnia Kiraŭnictva spraŭ prezidenta, byŭ na papiarednich słuchańniach u Viarchoŭnym sudzie.
U źviazku z hetym Sajuz biełaruskich piśmieńnikaŭ vymušany byŭ źviarnucca pa dapamohu da inšaha advakata. Zaraz ich spravu viadzie juryst Minskaj haradskoj kalehii advakataŭ Hanna Bachcina.
– Naš novy advakat, prahledzieŭšy materyjały, zapeŭniła, što vyjhrać sud budzie dastatkova realna, – kaža Aleś Paškievič. – Inšaja sprava, što dla taho, kab sudzicca ź Miniustam, treba mieć nie tolki mocnuju jurydyčnuju adukavanaść, ale i vysokuju hramadzianskuju pazicyju.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary