U Tybiecie adbyŭsia ziemlatrus, zahinuli 16 čałaviek, sotni damoŭ razburanyja
Mahnituda skłała siem bałaŭ.
Jak paviedamlajuć kitajskija dziaržaŭnyja ŚMI, u hornym rajonie Tybieta adbyŭsia ziemlatrus mahnitudaj siem, u vyniku jakoha zahinuli sama mieniej 16 čałaviek, piša Bi-bi-si.
Epicentr ziemlatrusu pryjšoŭsia na paviet Bačen (akruha Nahču) u noč na čaćvier. Hety paviet raźmieščany za 400 km na paŭnočny ŭschod ad Łchasy — administracyjnaha centra Tybieta.
Ułady abjavili režym nadzvyčajnaj situacyi i nakiravali ŭ paciarpieły rajon vyratavalnyja atrady. Taksama paviedamlajecca pra 32 paranienych.
Jak paviedamlajuć miascovyja krynicy, u zonie biedstva razburana 339 žyłych damoŭ, a ŭ samim rehijonie praktyčna całkam spyniena padača elektraenierhii.
Z-za kamieniapadaŭ darohi ŭ rehijonie apynulisia pierakrytyja, što abciažarvaje dostup vyratavalnych słužbaŭ da paciarpiełych rajonaŭ.
Mocnyja padziemnyja šturški taksama adčuvalisia ŭ haradach Čamdo i Ńjinčy ŭ Tybiecie.
Mienš za dva miesiacy tamu Tybiet i Niepał surjozna paciarpieli ad maštabnych pavodak i apoŭźniaŭ, vyklikanych abrušeńniem ledavika. Tady zahinuli nie mienš za 1400 čałaviek, a sotni ludziej dahetul ličacca źnikłymi bieź viestak.
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»47
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary