U Rasiei źjaviŭsia prapucinski ruch dla dziaciej 8-15 hadoŭ «Miški». Učora na mitynhu ŭ Maskvie jany prasili «hałoŭnaha mišku» stać na čale i nadać im vektar. «Moskovskij komsomolec» paviedamlaje padrabiaznaści.
Učora kiroŭcy aburalisia tym, što ruch u centry Maskvy pierakryli, a hramadzkaść daviedałasia: Uładzimiera Pucina padtrymlivajuć užo i dzieci 8‑15 hadoŭ. Jany, akazvajecca, čakajuć, kali prezydent daść im «vektar raźvićcia». «Našysty» vyvieli na Vasiljeŭski spusk i Bałotnuju płošču ŭ Maskvie pradstaŭnikoŭ dziciača‑iunackaha ruchu «Miški». Siarod ich byli laŭreaty zvańniaŭ «miadźviedź‑badziaha» i «mehasuprermiadźviedź».
Junyja pucincy tolki niadaŭna vyleźli ź biarłohu — arhanizacyja sfarmavałasia ŭsiaho dva miesiacy tamu. U joj 3000 dziaciej i 1500 važatych. Jak zajaviła «MK» kamisarka «Našych» i kiraŭnička «Mišak» Julija Zimava:
«My chočam, kab Uładzimier Uładzimieravič staŭ našym nastaŭnikam i lideram, kab zadaŭ nam vektar!»
Bałotnaja płošča była padobnaja na rynak miakkich cacak — ludzi ciskali plušavych miadźviedziaŭ i demanstravali kurtki z nadpisam «Hałoŭny miška, padbaj pra dziciatak». Pad «hałoŭnym miškam» mieŭsia na ŭvazie UUP: važatyja arhanizacyi (dziaciej u ich chapbła rozumu nie pryvodzić) pavinšavali prezydenta ź pieramohaj i zapisali dla haranta videapasłańnie, u jakim paprasili jaho stać svaim styrnavym.— Ja pytajusia ŭ malečy, chto naš prezydent, a jany choram kryčać: «Dziadzia Vova!», — natchniona patłumačyła važataja Maryja.
Jejnaja kalažanka Volha adkryła nam tajamnicy «Mišak»:
«Važatyja nabirajuć u svaim dvary hrupu z tuzina dzietak ad 8 da 15 hadoŭ i arhanizujuć ich volny čas. U važatych jość zvańni: «miadźviedź‑badziaha» — toj, chto pravioŭ dziesiać mierapryjemstvaŭ. «Bury», ci «mehasupermiadźviedź» — toj, chto vyrašyŭ dziciačyja prablemy ŭ horadzie.
Dzieci taksama dzielacca na katehoryi: samyja starejšyja — «alimpijskija miadźviedzi», samyja małodšyja — «mišutki».
«Miadźviedziem‑badziahaj» akazałasia 18‑hadovaja Maša z Sočy. Zrešty, siusiukała jana nie pa ŭzroście:
«Chutka dziadzia Pucin sydzie ŭ adstaŭku, jamu budzie rabić niama čaho, i jon prymie našu prapanovu!»
Važatyja majuć namier adukoŭvać svaich hadavancaŭ palityčna:
«U vosiem hadoŭ heta biessensoŭna, a tym, chto starejšy, raskažam pra «aranžavuju» pahrozu».
Što da hrošaj, na jakija žyvuć «Miški», to ŭ ruchu zapeŭnivajuć: važatyja — valantery, a ź inventarom dapamahajuć baćki. Ale naŭrad ci pryvoz tysiačy hramadzian u Maskvu byŭ baćkam pa kišeni. Jość infarmacyja, što «badziah» spansiriuć bujnyja banki j rehijanalny biznes.
Mohuć prakramloŭskija entuzijasty choć dziaciej pakinuć u spakoi? Kali tak pojdzie dalej, chutka na vulicy vyviezuć u vazočkach členaŭ ruchu «Miedźviedzianiatački», a śledam projduć ciažarnyja hramadzianki — členy arhanizacyi «kasałapyja embryjončyki»…
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary