Kreml abviarhaje zapuščanyja ź Biełarusi čutki pra Kanstytucyjny akt
«Interfaks», spasyłajučysia na krynicy ŭ atačeńni Pucina, nazvaŭ hetyja źviestki «spekulatyŭnymi fantazijami». Pavał Lohki taksama abvierh infarmacyju pra toje, što Łukašenka i Pucin padpišuć u Miensku Kanstytucyjny akt i padzielać uładu ŭ «sajuznaj dziaržavie».
Siońnia radyjostancyja «Echo Moskvy» paviedamiła sa spasyłkaj na krynicy ŭ atačeńni Łukašenki, što 13‑14 śniežnia ŭ Miensku biełaruski i rasijski prezydenty planujuć padpisać Kanstytucyjny akt «sajuznaj dziaržavy». Nibyta Ŭładzimir Pucin maje stać prezydentam «sajuznaj dziaržavy» Rasiei i Biełarusi, a Alaksandar Łukašenka — śpikieram «sajuznaha parlamentu».
Infarmacyja ź Miensku ŭment raźniesłasia pa Internecie, pravakujučy abureńnie ŭ Biełarusi i intryhu ŭ Maskvie. Adnak nieŭzabavie «Interfaks», spasyłajučysia na krynicy ŭ atačeńni Pucina, nazvaŭ hetyja źviestki «spekulatyŭnymi fantazijami». Abvierh mahčymaść padpisańnia aktu i Barys Hryzłoŭ, staršynia Dumy.
Paźniej dadzienuju infarmacyju sprastavali i Pavał Lohki, kiraŭnik pres‑słužby prezydenta Biełarusi, jaki zaraz znachodzicca ŭ stalicy Venesueły Karakasie, i Andrej Papoŭ, hołas Ministerstva zamiežnych spravaŭ.
«Ja abviarhaju hetuju infarmacyju. Chaj jana zastajecca na sumleńni jaje sačynicielaŭ», — zajaviŭ Pavał Lohki ŭ interviju biełaruskim radyjostancyjam.
Kamentatary «NN» adznačajuć, što infarmacyju pra mahčymaść padpisańnia Kanstytucyjnaha aktu raspaŭsiudžvaŭ biełaruski, a nie rasiejski bok. Raspaŭsiud takoj infarmacyi dazvalaje spravakavać akcyi pratestu suprać pryjezdu Pucina ŭ Biełarusi i stvaryć A. Łukašenku vobraz abaroncy biełaruskaj niezaležnaści.
Čamu YouTube vydaliŭ kanały BiełTA, STB i ANT? Voś što viadoma11
Kamientary