Adnosiny Biełarusi i Kitaja źjaŭlajucca dobrym prykładam vybudoŭvańnia raŭnapraŭnaha, ŭzajemavyhadnaha dyjałohu, a ich raźvićcio zastajecca stratehičnym pryjarytetam biełaruskaj źniešniaj palityki.
Pra heta zajaviŭ Alaksandr Łukašenka na sustrečy z namieśnikam premjera Dziaržsavieta KNR Čžan Haoli, paviedamlaje pres-słužba kiraŭnika biełaruskaj dziaržavy.
«Vaša kraina zaŭsiody źjaŭlałasia našym nadziejnym partnioram. Raźvićcio adnosin z Kitajem było i zastajecca stratehičnym pryjarytetam źniešniaj palityki Biełarusi», — adznačyŭ kiraŭnik dziaržavy.
Pavodle jaho słoŭ, dynamika kantaktaŭ i ŭzrovień damoŭlenaściej, dasiahnutych u apošni čas, śviedčać, što suviazi Biełarusi i Kitaja ŭvieś čas raźvivajucca i macniejuć.
Łukašenka nazvaŭ nadzvyčaj svoječasovym vizit kitajskaj delehacyi ŭ Minsk i padkreśliŭ unikalnaść mahčymaściej dla dalejšych pierśpiektyŭ uzajemadziejańnia.
Kiraŭnik dziaržavy taksama zaŭvažyŭ, što kali raniej byli niejkija zaściarohi z nahody intensifikacyi dvuchbakovaha supracoŭnictva, bo zakranajucca intaresy roznych bakoŭ, to ciapier jany adyšli na druhi płan.
«I nam, dvum dziaržavam — Biełarusi i Kitaju — treba bolš chutkimi tempami zbližacca. Naš intares zaklučajecca ŭ tym, što my budziem mieć vielmi mahutnuju aporu na takuju hihanckuju dziaržavu, jak Kitaj, bieź jakoha siońnia nie vyrašajecca nivodnaja sprablema ŭ śviecie».
«Padtrymka Kitaja — heta faktar niezaležnaści našaj dziaržavy, — skazaŭ Łukašenka, źviartajučysia da kitajskaha hościa. — A kali ŭličyć što ŭ nas takaja ž padtrymka Rasijskaj Fiederacyi, to Biełaruś, nu, prabačcie mianie, stanovicca praktyčna nieprystupnaj».
«Što tyčycca vašaj cikavaści, to ja ŭžo kazaŭ Si Czińpinu, što dalejšaje raźvićcio KNR i pazicyjanavańnie jaje ŭ śviecie jak supierdziaržavy niemahčyma biez supracoŭnictva ź Jeŭropaj», — zajaviŭ Łukašenka. Jon adznačyŭ, što Biełaruś hatova ŭsialak sadziejničać aktyvizacyi kantaktaŭ, u tym liku handlovych, pamiž Kitajem i Jeŭropaj.
«Biełaruś hatovaja dapamahčy va ŭzmacnieńni ŭpłyvu Kitaja ŭ Jeŭropie», — zapeŭniŭ kiraŭnik dziaržavy.
U chodzie sustrečy asnoŭnaja ŭvaha była ŭdzielena naroščvańniu biełaruska-kitajskaha handlova-ekanamičnaha ŭzajemadziejańnia. U suviazi z hetym Alaksandr Łukašenka padziakavaŭ kitajskamu boku za pradastaŭleńnie inviestycyj i surjoznuju padtrymku Biełarusi ŭ kredytavańni sumiesnych prajektaŭ, u liku jakich najvažniejšym źjaŭlajecca Kitajska-Biełaruski industryjalny park.
Pry hetym jon padtrymaŭ prapanovu kitajskaha hościa nadać Parku status miždziaržaŭnaha prajekta, a taksama pryciahnuć u Park najbolš bujnyja i viadomyja kampanii nie tolki ź Biełarusi i Kitaja, ale taksama ź Jeŭropy i inšych kantynientaŭ śvietu.
«Naša zadača — sumiesna stvaryć takija vysokatechnałahičnyja vytvorčaści, jakija buduć zapatrabavanyja na jeŭrapiejskaj prastory», — vykazaŭ mierkavańnie Alaksandr Łukašenka. Jon vykazaŭ upeŭnienaść, što ŭžo ŭ hetym hodzie buduć zroblenyja surjoznyja kroki pa stvareńni Parku.
Kiraŭnik dziaržavy taksama padkreśliŭ, što Biełaruś hanarycca vysokim uzroŭniem adnosin z Kitajem. «Biełaruś adčuvaje plačo i padtrymku Kitaja», - zaŭvažyŭ Łukašenka.
Jon taksama zapeŭniŭ, što pazicyja Biełarusi ŭ dačynieńni da Kitaja zastaniecca niaźmiennaj.
«Siońnia raźvićcio handlova-ekanamičnaha i inviestycyjnaha supracoŭnictva źjaŭlajecca najvažniejšym napramkam našaj sumiesnaj pracy, — adznačyŭ jon. — Realizacyjaj prajekta Kitajska-Biełaruskaha industryjalnaha parku my pavinny prademanstravać vysoki ŭzrovień našaha supracoŭnictva, pakazać usiamu śvietu, na što my zdolnyja».
«Upeŭnieny, što da vizitu ŭ Respubliku Biełaruś Staršyni KNR Si Czińpina, jaki my čakajem u najbližejšaj budučyni, baki napoŭniać farmat biełaruska-kitajskich adnosin kankretnym źmiestam. Bo havorka idzie pra ŭsiebakovym stratehičnym partniorstvie», — padkreśliŭ kiraŭnik dziaržavy.
Kamientary