Zajaviŭ hieneralny sakratar Rady Eŭropy Tery Devis.
«Biełaruś źviartałasia z prośbaj ab dałučeńni da Rady Eŭropy. Ale razhlad jaje zvarotu byŭ spynieny, bo jana nie vykonvała standarty demakratyi, pravoŭ čałavieka i viaršenstva zakonu, i my i zaraz nia možam viarnucca da razhladu zvarotu Biełarusi.
Hetaja sytuacyja ciahniecca ŭžo bolš za 10 hadoŭ. My vykazvajem škadavańnie z hetaj nahody, bo Biełaruś — adzinaja kraina ŭ Eŭropie, jakaja nie źjaŭlajecca siabram Rady Eŭropy.
Kab dałučycca da Rady Eŭropy, Biełaruś pavinna mieć svabodu druku, pavinna być mahčymaść raspaŭsiudžvać hazety, jakija krytykujuć prezydenta Biełarusi. Ja miarkuju, što pavinna palepšycca stanovišča z pravami čałavieka. Budzie taksama dobrym krokam, kali skasujuć śmiarotnaje pakarańnie, Biełaruś — adzinaja kraina ŭ Eŭropie, jakaja ŭsio jašče maje śmiarotnaje pakarańnie», skazaŭ Tery Devis.
Nahadajem, što na minułym tydni Rada Eŭropy asudziła śmiarotnyja prysudy, vykananyja apošnim časam u Biełarusi i ŭ Japonii. U Biełarusi byŭ pakarany śmierciu były aficer milicyi Alaksandar Siarhiejčyk.
Kamientary