Jarmošyna spadziajecca na pryznańnie śvietam prezidenckich vybaraŭ — 2015
Kiraŭnik Centrvybarkama Lidzija Jarmošyna spadziajecca, što vyniki prezidenckich vybaraŭ 2015 hoda buduć padtrymanyja jak vybarščykami, tak i mižnarodnaj supolnaściu.
Ab hetym jana zajaviła, vystupajučy 12 listapada ŭ Minsku na mižnarodnaj kanfierencyi «Vybarčyja pracesy na prastory SND».
Pavodle słoŭ kiraŭnika CVK, budučyja prezidenckija vybary «ŭžo vyklikajuć peŭnuju cikavaść». «Ja spadziajusia, što jany buduć padtrymanyja jak vybarščykami našaj krainy, tak i pryznanyja mižnarodnaj supolnaściu, a taksama buduć spryjać i pracavać na karyść našaj dziaržavy», — zajaviła kiraŭnik CVK.
Najbolš vierahodnaj dataj praviadzieńnia prezidenckich vybaraŭ Jarmošyna nazvała niadzielu 15 listapada 2015 hoda.
Jana paviedamiła, što vybary buduć pryznačanyja deputatami Pałaty pradstaŭnikoŭ. «Heta adzinyja vybary, jakija pryznačajucca nie kiraŭnikom dziaržavy», — adznačyła staršynia Centralnaj kamisii.
Jarmošyna taksama paviedamiła, što jaŭka vybarščykaŭ, pry jakoj budzie ličycca, što vybary adbylisia, pavinna być nie mienš jak 50% ad liku hramadzian, uniesienych u śpisy dla hałasavańnia.
«Kandydatam u prezidenty moža stać hramadzianin Biełarusi ŭzrostam nie mienš jak 35 hadoŭ, hramadzianin pa naradžeńni, jaki apošnija 10 hadoŭ pražyvaje na terytoryi Respubliki Biełaruś i sabraŭ nie mienš jak 100 tysiač podpisaŭ hramadzian», — adznačyła jana.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary