Pieršaja biełaruskaja anłajn-škoła va Ukrainie raspačała nabor na novy navučalny hod
U Pieršuju biełaruskuju anłajn-škołu va Ukrainie raspačaŭsia nabor na novy 2026/27 navučalny hod. Pra heta paviedamiła zasnavalnica škoły Nastaśsia Špakoŭskaja na svajoj staroncy ŭ fejsbuku.
Pieršaja anłajn-škoła va Ukrainie pracuje z kastryčnika 2020 hoda. Ideja jaje stvareńnia ŭźnikła ŭ aktorki i śpiavački Nastaśsi Špakoŭskaj, jakaja ŭ kancy žniŭnia 2020 hoda była vymušanaja ź dziećmi źjechać ź Biełarusi.
«Ja hanarusia tym, što naša kamanda praciahvaje pracavać i vieryć u budučyniu našych dziaciej.
Ja hanarusia tym, što my majem mahčymaść zachavać nievialikija ceny za navučańnie i davać našym vučniam jakasnuju adukacyju.
My pačynajem novy nabor vučniaŭ na nastupny navučalny hod, i budziem rady kali ŭsie dzieci, jakim patrebna dapamoha ŭ atestacyi i navučańni pryjduć da nas», — napisała Nastaśsia Špakoŭskaja.
Padrabiaźniej pra škołu čytajcie pa spasyłcy.
Kamientary