Rasija pastavić u Biełaruś dadatkovuju avijatechniku dla niasieńnia sumiesnaha bajavoha dziažurstva, paviedamiŭ pasoł RF Alaksandr Surykaŭ 17 śniežnia na pres-kanfierencyi ŭ Minsku.
Pavodle jaho słoŭ, u Biełaruś buduć pastaŭlenyja čatyry ZRK S-300, čatyry viertaloty Mi-8 i dva vučebnyja samaloty Su-27 dla bajavoha dziažurstva pa achovie miežaŭ Sajuznaj dziaržavy. «Na 2015 hod zapłanavanaje pavieličeńnie kolkaści techniki na dziažurstvie da 12 bajavych i dvuch vučebnych samalotaŭ. I pieršaje źviano z čatyroch viertalotaŭ armiejskaj avijacyi Mi-8, jakija buduć uzmacniać dziažurstva ŭ biełaruskaj pavietranaj prastory. Biełaruskaja armija taksama atrymaje čatyry zienitnyja rakietnyja kompleksy S-300», — skazaŭ Surykaŭ.
Jon padkreśliŭ, što Biełaruś i Rasija «dastatkova paśpiachova supracoŭničajuć u vajennaj i vajenna-techničnaj śfiery». «U kaapieracyi ŭ vytvorčaści kancavoj pradukcyi 99 biełaruskich i 940 rasijskich pradpryjemstvaŭ, — skazaŭ Surykaŭ. — Dola pastavak Biełarusi ŭ rasijskim abaronnym zakazie ŭžo składaje 15%. A rasijski abaronny zakaz — heta kałasalnyja ličby».
Čamu YouTube vydaliŭ kanały BiełTA, STB i ANT? Voś što viadoma11
Kamientary