Расія паставіць у Беларусь дадатковую авіятэхніку для нясення сумеснага баявога дзяжурства, паведаміў пасол РФ Аляксандр Сурыкаў 17 снежня на прэс-канферэнцыі ў Мінску.
Паводле яго слоў, у Беларусь будуць пастаўленыя чатыры ЗРК С-300, чатыры верталёты Мі-8 і два вучэбныя самалёты Су-27 для баявога дзяжурства па ахове межаў Саюзнай дзяржавы. «На 2015 год запланаванае павелічэнне колькасці тэхнікі на дзяжурстве да 12 баявых і двух вучэбных самалётаў. І першае звяно з чатырох верталётаў армейскай авіяцыі Мі-8, якія будуць узмацняць дзяжурства ў беларускай паветранай прасторы. Беларуская армія таксама атрымае чатыры зенітныя ракетныя комплексы С-300», — сказаў Сурыкаў.
Ён падкрэсліў, што Беларусь і Расія «дастаткова паспяхова супрацоўнічаюць у ваеннай і ваенна-тэхнічнай сферы». «У кааперацыі ў вытворчасці канцавой прадукцыі 99 беларускіх і 940 расійскіх прадпрыемстваў, — сказаў Сурыкаў. — Доля паставак Беларусі ў расійскім абаронным заказе ўжо складае 15%. А расійскі абаронны заказ — гэта каласальныя лічбы».
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары