Pieršyja marazy, jakija ŭdaryli ŭ novym hodzie pa Kalininhradzkaj vobłaści, prademanstravali hieapalityčnuju uraźlivaść rasiejskaha anklavu ŭ sfery hazazabieśpiačeńnia.
Pieršyja marazy, jakija ŭdaryli ŭ novym hodzie pa Kalininhradzkaj vobłaści, prademanstravali hieapalityčnuju uraźlivaść rasiejskaha anklavu ŭ sfery hazazabieśpiačeńnia. Jak paviedamili siońnia, 10 studzienia, karespandentu IA REGNUM u presavaj słužbie meryi Kalilinhradu, błakitnaje paliva pastupaje ŭ Kalininhradzkuju vobłaść pa ahulnym hazapravodzie, jaki siłkuje j sumiežnyja krainy — Litvu j Biełaruś. Z nadychodam ža marazoŭ litoŭskija j biełaruskija spažyŭcy hazu pačali brać paliva z hazapravodu značna bolej, čym zvyčajna. U vyniku kalininhradzkim ciepłakrynicam hazu stała nie chapać, bo Kalininhrad — na kancy truby.
Samymi napružanymi stali sutki 5 studzienia, kali temperatura źniziłasia da minus 11 hradusaŭ i padźmuŭ mocny viecier. Kacielnaja pasiołka Prybrežnaha i rajonnyja ciepłavyja stancyi «Paŭnočnaja» i «Bałtyjskaja» vymušanyja byli pierajści na rezervavy mazut, što adrazu adbiłasia na jakaści zabieśpiačeńnia ciapłom, — paviedamili ŭ haradzkoj administracyi.
U vyniku ŭ dyspetčarskaj meryi za sutki pryniali bolš za 200 zvankoŭ z skarhami na choład u kvaterach. Praź niekalki hadzin stancyi viarnulisia da zvyčajnaha režymu pracy, ale jašče niejki čas spatrebiŭsia na advarotnuju rehuliroŭku system paśla pierachodu na haz.
Kiraŭnik horadu Alaksandar Jarašuk zapytaŭ u specyjalistaŭ kamitetu ŽKH infarmacyju pra padobnyja sytuacyi ŭ papiarednija hady dla padrychtoŭki biudžetnych srodkaŭ — mazut značna daražejšy za haz.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary