Indyvidualnym pradprymalnikam z 1 sakavika daviadziecca zapłacić štraf da 50 bazavych vieličyń (siońnia adna b.v. — 180 tys.) za handal tavarami lehprama biez dakumientaŭ techrehłamientu Mytnaha sajuza, paviedamili ŭ pres-centry Ministerstva pa padatkach i zborach.
U MPZ nahadali, što ŭ adpaviednaści z ukazam №222 dla indyvidualnych pradprymalnikaŭ - płacielščykaŭ adzinaha padatku 1 sakavika 2015 hoda zaviaršajecca pierachodny pieryjad, na praciahu jakoha im było pradastaŭlena prava realizavać astatki tavaraŭ, uviezienych u Biełaruś z terytoryi dziaržaŭ - členaŭ Mytnaha sajuza da 1 lipienia 2014 hoda biez dakumientaŭ, jakija paćviardžajuć ich nabyćcio (pastupleńnie), na padstavie vopisu takich tavaraŭ.
«Z 1 sakavika realizacyja indyvidualnymi pradprymalnikami astatkaŭ tavaraŭ nie dapuskajecca», - udakładnili ŭ pres-centry. «Za realizacyju tavaraŭ z parušeńniem umoŭ, praduhledžanych ukazam, dla indyvidualnych pradprymalnikaŭ ustanoŭlena administracyjnaja adkaznaść u vyhladzie štrafu ŭ pamiery da 50 bazavych vieličyń z kanfiskacyjaj tavaraŭ, vyručki, atrymanaj ad realizacyi tavaraŭ, abo biez kanfiskacyi», - skazali ŭ MPZ.
Pradprymalniki da 1 sakavika majuć prava ažyćciaŭlać roźničny handal astatkami tavaraŭ z vypłataj adzinaha padatku.
Pry hetym da staŭki prymianiajecca pavyšajučy kaeficyjent 2 niezaležna ad udzielnaj vahi astatkaŭ tavaraŭ, u ahulnym asartymiencie, a taksama padatku na dabaŭlenuju vartaść u fiksavanaj sumie. Indyvidualnyja pradprymalniki vyličvajuć i vypłačvajuć padachodny padatak ź fizičnych asob abo padatak pry sproščanaj sistemie padatkaabkładańnia, a taksama «ŭvazny» padatak na dabaŭlenuju vartaść pa staŭkach, ustanoŭlenych zakanadaŭstvam, zychodziačy z koštu nabytych astatkaŭ tavaraŭ
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary