U Maskvie pa padazreńni ŭ «spaleńni ludziej u Adesie 2 maja» zatrymali deputata Viarchoŭnaj Rady Ukrainy Alaksieja Hančarenku.
Pra heta spačatku paviedamiŭ u svaim fejsbuku sustaršynia hramadska-palityčnaha ruchu «Narodny front Navarosii» Kanstancin Dałhoŭ.
«Maskoŭskaja palicyja paćviardžaje, što Hančarenka zatrymany. Jon budzie pieradadzieny pradstaŭnikam SKR dla praviadzieńnia dalejšych pracesualnych dziejańniaŭ», — adznačyli ŭ staličnym hłaŭka MUS, paviedamlaje Gazeta.ua
«Mianie zatrymała palicyja. Adviali ŭ aŭtazak, adbirali pašpart. Potym pašpart viarnuli i vyvieli z aŭtazaka, udaryli. Zaraz trymajuć kala aŭtazaka, nie adpuskajuć», - napisaŭ jon u svaim błohu na partale «Ukrainskaja praŭda».
«Ja ničoha nie vykrykvaŭ, płakataŭ i ściahoŭ nie nios — zatrymali prosta za futbołku», - napisaŭ Hančarenka.
Abaznanaja krynica «Interfaksa» vykazała mierkavańnie, što Hančarenka moža stać fihurantam kryminalnaj spravy, zaviedzienaj u Rasii ŭ suviazi sa sutyknieńniami ŭ Adesie 2 maja 2014 hoda, piša Meduza.io.
2 maja 2014 hoda ŭ Adesie adbylisia sutyknieńni pamiž prychilnikami i praciŭnikami Majdanu. U vyniku sutyknieńniaŭ zahinuli kala 50 čałaviek, jašče 200 atrymali ranieńni. Padčas biesparadkaŭ byŭ spaleny Dom prafsajuzaŭ, dzie schavalisia praciŭniki Majdanu.
Alaksiej Hančarenka znachodziŭsia na płoščy Kulikova pole pierad Domam prafsajuzaŭ, a paźniej publikavaŭ u sacsietkach fatahrafii z budynka. U pryvatnaści, jon sfatahrafavaŭsia pobač ź ciełam adnaho z zahinułych.
Hančarenku prypisvali frazu «My začyścili Kulikova pole ad sieparatystaŭ», adnak jon śćviardžaje, što nikoli jaje nie pramaŭlaŭ.
«Takoj frazy ja nie kazaŭ nidzie i nikoli. Ja kazaŭ pra toje, što my źnieśli łahier na Kulikovym poli. Heta ja, sapraŭdy, kazaŭ», — rastłumačyŭ Hančarenka ŭ intervju radyjo «Echo Moskvy».
Hančarenka abvinavacili ŭ niepasrednaj datyčnaści da biesparadkaŭ. U pryvatnaści, z takimi abvinavačvańniami vystupaŭ deputat Adeskaj haradskoj rady Alaksandr Kazarnoŭski.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary