Dzień zastupnika Irłandyi adznačajecca 17 sakavika, ale śviatočnyja mierapryjemstvy pačalisia jašče niekalki dzion tamu.
Tradycyja adznačeńnia Dnia śviatoha Patryka prasočvajecca ŭ Irłandyi z IX-X st.
Śviata vyjšła daloka za miežy vostrava: z XVIII st. jano šyroka adznačajecca ŭ ZŠA, masavyja viečaryny i šeści prachodziać siońnia ŭ Vialikabrytanii, Kanadzie, Arhiencinie, Aŭstralii i Novaj Ziełandyi, a taksama ŭ Karei i Japonii.
Simvały śviata — zialony koler i tryliśnik.
U 2015 hodzie śviata prachodzić zhodna tradycyjam. Śviatočnyja mierapryjemstvy pačynajucca jašče z 15 sakavika:
Dzień śviatoha Patryka adznačajecca i ŭ Biełarusi.
U minułyja hady ŭ Minsku pravodzilisia ŭračystyja šeści. U 2015-m vykazać luboŭ da Irłandyi možna budzie ŭ barach i kłubach.
Z 19:00 u kłubie Re:Public projdzie «Terytoryja hulni» — šou-prahrama, pryśviečanaja lubimamu sportu Irłandyi, futbołu. Vystupiać biełaruskija hurty «Dochodiahi-bend», «Vsie Crazy» i kijeŭski O'HAMSTERS. Kvitki ad 180 tysiač.
Z 20:00 u kłubie TNT adbudziecca viečar anhłamoŭnaj indy-muzyki. Vystupiać biełaruskija hurty The Yankees of Moor i The Four. Uvachod na mierapryjemstva volny.
Z 19:00 u kłubie «Sałaviej». Vystupiać biełaruskija folk-hurty Ceilidh Ceol i Ejrut, picierski hurt Lacuna i tancavalny duet B-Irish. Uvachod ad 100 tysiač.
Z 13 pa 18 sakavika śpiecyjalnuju prahramu prapanuje restaran «Newman» na Niamizie, 17 i 18 sakavika projduć kancerty ŭ kafe Loft i «Lisinaj nary», z 20:00 na tematyčnuju viečarynu zaprašaje bar «Kajot». Z 20:00 śviata razam z hurtom Irdorath adznačać ŭ barysaŭskim «Irłandskim pabie».
***
17 sakavika — mierkavavy dzień śmierci Śviatoha Patryka, jaki simvalizuje pryniacca chryścijanstva ŭ Irłandyi. Dziaržaŭnaje śviata ŭ Irłandyi, Paŭnočnaj Irłandyi ŭ składzie Vialikabrytanii, na vostravie Manserat i ŭ kanadskaj pravincyi Ńjufaŭndłend i Łabrador. Va ŭzroście šaści hod Śviaty Patryk, zhodna jaho aŭtabijahrafičnaj «Spoviedzi», byŭ skradzieny z rodnaj Brytanii irłandskimi złodziejami. Pad čas rabstva jazyčnik źviarnuŭsia da chryścijanstva. Patryk źbiahaje z rabstva i viartajecca damoŭ, ale ŭ śnie jamu źjaŭlajecca anioł, jaki prosić viarnucca ŭ Irłandyju. Jon viartajecca ŭ sanie biskupa, razhortvaje šyrokuju dziejnaść pa chryścijanizacyi krainy, zasnoŭvaje sotni cerkvaŭ.
Kamientary