«Novamu času» taksama vyniesiena papiaredžańnie Ministerstva infarmacyi
Niedziaržaŭnaj haziecie «Novy čas» taksama vyniesiena piśmovaje papiaredžańnie Ministerstva infarmacyi. Pra heta paviedamiŭ pres-słužbie HA «BAŽ» hałoŭny redaktar haziety Alaksiej Karol.
Vydańnie vinavaciać u parušeńni zakanadaŭstva na padstavie skaračeńnia «RB» zamiest «Respublika Biełaruś» u vychodnych dadzienych. («…Nie ŭkazana aficyjna ŭstanoŭlenaje najmieńnie respublikanskaha orhana dziaržaŭnaha kiravańnia ŭ śfiery srodkaŭ masavaj infarmacyi, jaki zarehistravaŭ dadzieny drukavany ŚMI»).
Dakumient datavany 25-m lutaha, ale Alaksiej Karol zmoh atrymać jaho pa pošcie tolki dniami. Pavodle žurnalista, čarhovy numar redakcyja vypuściła z papraŭlenymi vychodnymi dadzienymi, pra što prainfarmavała Mininfarmacyi.
Nahadajem, što ŭ lutym-sakaviku ministerstva vyniesła aficyjnyja papiaredžańni adrazu šerahu rehijanalnych niedziaržaŭnych vydańniaŭ, źvinavaciŭšy ich u nienaležnym raźmiaščeńni źviestak pra nakład albo niezakonnym skaračeńni «RB» zamiest «Respublika Biełaruś» u vychodnych dadzienych.
Miž tym, padobnyja skaračeńni žurnalisty zaŭvažyli i ŭ vydańniach, zasnavalnikami jakich vystupajuć dziaržaŭnyja orhany ŭłady. U suviazi z hetym pres-sakratar HA «BAŽ» Barys Harecki napisaŭ u Ministerstva infarmacyi list, kab daviedacca, ci reahavała viedamstva na takija fakty. Jak vynikaje z adkazu namieśnika ministra Uładzimira Matusieviča, pa stanie na 16 sakavika ŭ miežach kantrolu za vykanańniem zakanadaŭstva piśmovyja papiaredžańni byli vyniesienyja taksama časopisu «Vožyk» i baranavickaj haziecie «Naš kraj».
Takim čynam, na siońnia HA «BAŽ» vałodaje źviestkami pra papiaredžańni ŭ 2015 hodzie vaśmi vydańniam: «Hazieta Słonimskaja», «Intex-Press», «Hancavicki čas», «Borisovskije novosti», «Riekłamnyj Boržomi», «Novy čas», «Vožyk» i «Naš kraj».
Nahadajem, što paśla atrymańnia dvuch papiaredžańniaŭ ciaham hoda luboje zarehistravanaje ŭ Biełarusi ŚMI moža być zakrytaje praz sud. HA «Biełaruskaja asacyjacyja žurnalistaŭ» źviazvaje papiaredžańni z nabližeńniem prezidenckaj vybarčaj kampanii, kali ŚMI mohuć u čarhovy raz patrapić pad pieraśled.
-
U Biełarusi pradajecca redkaja manieta, jakuju možna vykarystoŭvać jak abjektyŭ u fotaaparacie. Što za jana?
-
U biełaruskaj kramie izrailskija avakada kaštujuć tańniej, čym ajčynnyja ahurki
-
Biełarusy raskazali, jak 20 dzion chadzili pa arktyčnaj hłuchmieni. Ciapier tam jość pieravały Vasila Bykava i Uładzimira Karatkieviča
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary