U biełaruskaj kramie izrailskija avakada kaštujuć tańniej, čym ajčynnyja ahurki
Biełaruska zaŭvažyła, što izrailskija avakada pa akcyi kaštujuć tańniej za biełaruskija ahurki, i padzialiłasia hetym nazirańniem u Threads. Publikacyja vyklikała žarty i ažyŭlenaje abmierkavańnie, zaŭvažyła «Lusterka».
Na fota, jakoje vykłała žančyna, vidać, što kiłahram biełaruskich ahurkoŭ kaštuje 9,15 rubla, a izrailskich avakada sa źnižkaj — 7,99 rubla. U jakoj kramie zrobleny zdymak, aŭtarka nie ŭdakładniła, ale pa akcyjnym ceńniku možna mierkavać, što heta sietka «Susiedzi».
«Nu, narešcie charčavacca avakada stała bolš vyhadna, čym ahurkami. Ciapier heta nie raskoša bahoŭ, a ekanomija», — pažartavała karystalnica.
U kamientarach adnyja ździŭlalisia vysokim cenam na ahurki i avakada, inšyja adznačali, što takaja vyhadnaja prapanova dziejničaje tolki padčas akcyi, tamu treba paśpieć kupić sadavinu sa źnižkaj. Niekatoryja paviedamlali, što ŭžo nabyli avakada cełymi skrynkami, i chvalili jakaść partyi.
Byli i tyja, chto prahnazavaŭ, što chutka avakada i biez akcyj buduć kaštavać tańniej za zvyčajnyja ahurki. Adzin z kamientataraŭ ź ironijaj vykazaŭ zdahadku, što nieŭzabavie ŭ biełaruskich kramach pad šyldaj «Ekzatyčnyja pradukty» buduć pradavać ahurki i pamidory, a ŭ adździele z sacyjalnymi cenami — ananasy i avakada.
Johurt z harbuzom, hadzińnik-kasieta i šampuń z cybulaj. Čym ździvili biełaruskija brendy ŭ kastryčniku
Aściarožna: u viehanskich praduktach udvaja bolš charčovych dabavak, čym u miasnych anałahach
Na minskaj Kamaroŭcy ŭpali ceny: banany kaštujuć 1,9 rubla, mandaryny — 3,9
Vyznačyli hraničnyja adpusknyja ceny na śviežyja ahurki i pamidory
U Vaŭkavyskim rajonie žančyna vyraściła hihancki ahurok FOTAFAKT
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary