Były daradca prezidenta ZŠA pa pytańniach nacyjanalnaj biaśpiecy Źbihnieŭ Bžezinski ličyć, što pabudavać impieryju Rasii pieraškadžajuć ekanamičnyja prablemy i vyklikanaja imi ŭnutranaja słabaść, paviedamlaje «Radyjo Svaboda».
«Rasija ciapier imkniecca da pabudovy impieryi, niekatoryja ličać, što heta mahčyma, navat bolš čym mahčyma. Ale ŭnutranaja słabaść i ekanamičnyja prablemy nie dazvalajuć heta zrabić», — zajaviŭ Bžezinski u chodzie forumu, arhanizavanaha niamieckim Fondam Maršała.
Pavodle jaho słoŭ, Zachadu nieabchodna znajści bałans u dypłamatyčnych adnosinach z Maskvoj.
«Nam treba znajści bałans pamiž palitykaj, jakuju my prapanujem Rasii, i ŭ toj ža čas pierakanać Rasiju, što pierachod peŭnaj linii zanadta doraha joj budzie kaštavać», — adznačyŭ jon.
«Prablema zaklučajecca ŭ tym, što rasiejcy mohuć ažyćciaŭlać svaju palityku ŭ dačynieńni da Ukrainy takim čynam, što paźbiehnuć palityčnaj kanfrantacyi, ale atrymajuć u vyniku tatalny kałaps ukrainskaj ekanomiki. Rasija pakutuje ad našych sankcyj, ale zastajecca vialikaj siłaj, tamu dasiahaje vialikich źmienaŭ u hieapalityčnaj situacyi», — papiaredziŭ Bžezinski.
Jon vykazaŭ surjoznuju zaniepakojenaść z nahody hatoŭnaści ŭzbrojenych sił RF i samoj Rasii «da značnaj vajny».
Bžezinski pravioŭ paraleli pamiž situacyjaj, jakaja skłałasia ŭ ciapierašni čas u rasijskim hienieralitecie, i situacyjaj z «hienierałami Hiermanii, jakija paśla anšlusu papiaredžvali Hitlera nakont jaho namahańniaŭ u dačynieńni da Čechasłavakii, kali jon uciahnie Hiermaniju ŭ vajnu, jakaja jašče da hetaha nie hatovaja, ale budzie hatovaja praź niekalki hadoŭ». «I jany mieli racyju. Siońnia situacyja anałahičnaja», — ličyć jon.
U suviazi z hetym Bžezinski vykazaŭ pierakanańnie, što Rasii nieabchodna dakładna skazać, što «śviadomaje vykarystańnie siły pryviadzie da vialikaj cany, jakuju zapłacić Rasija, i što my hatovyja ažyćciavić dla hetaha nieabchodnyja dziejańni».
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj2
Kamientary