Va Ukrainie ŭstupiła ŭ siłu pałažeńnie zakanadaŭstva, jakoje zabaraniaje rasiejcam bieśpierapynna znachodzicca ŭ krainie bolš za try miesiacy.
Z 7 žniŭnia rasiejcy zmohuć znachodzicca ŭ krainie nie bolš za 90 dzion z 180 z momantu pieršaha ŭjezdu va Ukrainu.
Nieabchodnaść pryniaćcia padobnych mier abmiarkoŭvałasia va Ukrainie ź viasny minułaha hoda. Ułady krainy nazvali hety krok adkazam na anałahičnyja miery, pryniatyja Rasijaj u dačynieńni da Ukrainy ŭ studzieni minułaha hoda. Pry hetym rasijskaja mihracyjnaja słužba zajaŭlała pra hatoŭnaść praciahvać ukraincam termin znachodžańnia ŭ krainie.
Heta nie pieršy za apošni čas krok Kijeva, nakiravany na bolš žorstki kantrol za rasiejcami, jakija pryjazdžajuć u krainu. U pryvatnaści, z 1 sakavika rasiejcam zabaranili ŭjezd pa ŭnutranych pašpartach, jak heta było z momantu raspadu SSSR. Ciapier Ukrainu možna naviedać tolki pa zamiežnym pašparcie.
Akramia taho, na fonie ŭzbrojenaha kanfliktu na ŭschodzie Ukrainy ŭłady krainy stali čaściej admaŭlać rasiejcam u pravie ŭjezdu ŭ krainu. Heta było abumoŭlena aściarohami, što pad vyhladam turystaŭ va Ukrainu mohuć pryjechać dobraachvotniki, jakija chočuć padtrymać sieparatystaŭ Danbasa. Usiaho za minuły hod ukrainskija pamiežniki nie puścili ŭ krainu kala 15 tysiač rasiejcaŭ.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary