Žanr: drama, bijahrafija
Režysior: Žan-Mark Vale
U rolach: Ryz Uizierspun, Łora Dziern, Tomas Sadoski, Kin MakRej, Michił Chaŭšman, U. Erł Braŭn, Habi Chofman, Kiekin O. Rankin
ZŠA, 115 chv.
Adznaka: 7
Amierykanka Šerył Strejd, zasmučanaja niaŭdałym šlubam i śmierciu maci, straciła nadzieju na ščaście. Jana vypraŭlajecca ŭ padarožža piecham pa Cichaakijanskim chrybcie — najbolš vysokich učastkach chrybta Śjera-Nievada i Kaskadnych hor, na miažy štataŭ Arehon i Vašynhton, daŭžynioj u 1100 mil.
Žančyna spadziajecca, što vyprabavańni, jakija vypaduć joj u hetym niebiaśpiečnym samotnym padarožžy, abaviazkova vylečać jaje ad dušeŭnych pakut. Film zasnavany na aŭtabijahrafičnaj knizie Šerył Strejd «Dzikaja. Niebiaśpiečnaje padarožža jak sposab znajści siabie», u jakoj aŭtarka padrabiazna apisvaje svajo padarožža ŭ 1995 hodzie i padziei ŭłasnaha žyćcia, što pryviali da rašeńnia jaho ździejśnić.
Papularnaja amierykanskaja historyja pra vyjście za miežy zony kamfortu vydatna ŭvasobiłasia ŭ tvory Šerył: vydadzienaja ŭ 2012 kniha nabyła vialiki rozhłas. Pravy na jaje ekranizacyju byli nabytyja jašče da vychadu ŭ druk maładoj pradziusarskaj kampanijaj akciorki Ryz Uizierspun («Žorstkija hulni» (1999), «Pierajści rysu» (2005)). Jana i była abranaja na hałoŭnuju rolu— tak pažadała aŭtarka knihi i navat sama zaśviaciłasia ŭ adnym z epizodaŭ.
Padčas zdymak Ryz daviałosia składać namiot i karystacca plitkaj bieź instrukcyj, kab namahańni padarožnicy biez dośviedu ŭ kadry vyhladali najbolš realistyčna.
Ciapier Šerył Strejd viadomaja ŭ Amierycy piśmieńnica i eseist. Jaje tvory dvojčy ŭvachodzili ŭ «Najlepšyja amierykanskija ese» (2000, 2003), akramia taho, joj dastaŭsia Pushcart Prize za ese pra list ad nobieleŭskaj łaŭreatki pa litaratury Elis Manro, jaki Šerył atrymała, kali była maładoj aŭtarkaj.
Adaptavaŭ knihu dla kino brytanski piśmieńnik Nik Chornbi. Na «Oskary-2015» vykanaŭca hałoŭnaj roli i pradziusar- ka filma Ryz Uizierspun stała naminantkaj u katehoryi «Najlepšaja žanočaja rola».
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary