Častka zachodnich historykaŭ vykazałasia suprać «zabarony kamunizmu» va Ukrainie
Historyki, palitołahi, kulturołahi i daśledčyki Ukrainy z ZŠA i Jeŭropy bajacca, što zabarona parušyć svabodu słova.
Na sajcie krytyka.com źjaviŭsia adkryty list da prezidenta Ukrainy Piatra Parašenki, padpisany šaściu dziasiatkami zachodnich navukoŭcaŭ.
Aŭtary lista vykazvajuć zaniepakojenaść pryciaśnieńniem svabody słova praz zakon ab zabaronie kamunistyčnaj i nacystkaj prapahandy i kryminalnuju adkaznaść za admaŭleńnie lehitymnaści «baraćby za niezaležnaść Ukrainy ŭ XX stahodździ».
U liście padkreślivajecca, što kryminalnuju adkaznaść mohuć panieści nie tolki tyja aŭtary, chto «stavić pad pytańnie lehitymnaść UPA, što zabiła dziasiatki tysiač palakaŭ», ale i tyja, chto krytykujuć AUN, «adnu z najbolš ekstremisckich palityčnych hrupovak Ukrainy ŭ mižvajenny čas, adnu z tych, što supracoŭničali z nacyskaj Niamieččynaj u procistajańni Savieckamu Sajuzu».
Mahčymymi «niedarečnymi» nastupstvami zakonu aŭtary lista nazyvajuć asudžeńnie ŭsiaho savieckaha pieryjadu historyi Ukrainy jak akupacyjnaha režymu — heta moža pryvieści i da asudžeńnia raźvićcia Savietami ŭkrainskaj kultury i movy ŭ 1920-ch, i da asudžeńnia demakratyčnych pracesaŭ pierabudovy.
«U apošnija 15 hod pucinskaja Rasija inviestavała niejmaviernyja resursy ŭ palityzacyju historyi. Pahibiellu budzie, kali Ukrajina pojdzie pa tym ža šlachu, navat častkova ci pryblizna», — pišuć u liście.
***
Kamunistyčnaja simvolika i prapahanda była zabaronienaja va Ukrainie naroŭni z nacysckaj zakonam ad 9 krasavika 2015 hoda. Kamunistyčnaja simvolika na siońnia taksama zabaronienaja ŭ krainach Bałtyi, Polščy, Hruzii, Čechii, častkova ŭ Niamieččynie. Zabarona na kamunistyčnuju simvoliku była źniataja ŭ 2013 hodzie ŭ Vienhryi i Małdovie.
Hladzicie taksama: «Chaj staić Kalinin. Mnie nieviadoma, chto taki Alhierd»: biełarusy pra kamunistyčnuju simvoliku
Ciapier čytajuć
Mabilnym apierataram zabaranili zahaniać biełarusaŭ u vialiki minus7
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary