Va ŭnutranym dvary pałacu Radziviłaŭ razburany pierachod‑halereja — adna z najvažniejšych kanstrukcyjnych častak architekturnaha pomniku.
Va ŭnutranym dvary pałaca Radziviłaŭ
— U pryncypie, halereju možna było b zachavać, kab nie chałturyli budaŭniki adnoj z homielskich arhanizacyjaŭ, — kaža siońnia hałoŭny architektar instytutu «Mienskhramadzianprajekt» Piotr Saŭčuk. — Hamialčuki pačali ramantavać halereju nia źvierchu, a źnizu. I tym samym stvaryli pramuju pahrozu abvału staroj ściany.
Vysnovy Piatra Saŭčuka byli vyrašalnymi na specyjalnym pasiedžańni rady Ministerstva kultury. Architektar infarmavaŭ, što ŭ zamku Radziviłaŭ «paškodžanyja sklapieńni na druhim i trecim paviersie halerei, stracili taksama tryvałaść apornyja kalony, ściana trymajecca vyklučna na źniešnich padporkach». Prysutnyja mała spračalisia i družna hałasavali. Rezalucyja: «Padporki vydalić, ścianu pierabudavać!»
Ciapier levy ad ŭvachodu bok pałacu vyhladaje, jak paśla bambavańnia — fasad ruchnuŭ, pierakryćci złamanyja, pieraharodki absypalisia. Bolš jak 160 kvadratnych metraŭ ciapierašniaj pustečy buduć zakładzienyja cahlinami vytvorčaści cahielni «Opal», što na Bieraściejščynie.
Karennyja žychary i hości Niaśvižu krytykujuć rekanstrukcyju zamka.
— Heta navabud na miescy zamka. Praktyčna anijakija aŭtentyčnyja materyjały nie vykarystoŭvajucca. U chadzie najbolš tannyja. Staraja kafla i plitka nie zachoŭvajucca, a vyvoziacca na zvałku.
— Tut nie zastałosia restaŭrataraŭ. Prakładvajucca sučasnyja kamunikacyi. Pracuje ciažkaja budaŭničaja technika. Budaŭniki pryjechali zarablać hrošy, im mała cikava, što tut zastaniecca.
— Ździŭlaje, što ŭ kožny pryjezd ja baču ŭsio novyja pašparty abjektu, na jakich pierapisvajuć nia tolki termin uvodu, ale j pačatak rekanstrukcyi. Pałochaje, što tut mažliva pačnuć ustaloŭvać typavyja vokny i dźviery ź plastyku, bo pieramožcy tenderaŭ vyznačajucca z pazycyi najmienšaha koštu materyjałaŭ.
Na siońnia ŭ Niaśvižy pryznačanaja novaja data zaviaršeńnia restaŭracyjnaj pracy — hod 2010‑y. Pieršuju čarhu kompleksu — ekspazycyjnyja zali i nievialikuju kaviarniu raźličvajuć adčynić užo sioleta.
Fota z błogu Hleba Łabadzienki
Ciapier čytajuć
Jak 25‑hadovy Aleś uratavaŭ ad źniknieńnia kalekcyju biełaruskich ekspanataŭ. Jon naradziŭsia i vyras u Hiermanii, ale havoryć pa-biełarusku1
Kamientary