Łatvija apublikavała imia biełaruskaha špijona i imiony jaho rasijskich kaleh
MIDD adznačaje, što rasijskija i biełaruskija raźviedki i słužby biaśpieki praciahły čas supracoŭničajuć.
«Faktyčna, Biełaruś viadzie zbor raźvieddadzienych taksama ŭ intaresach Rasii, i jaje vajennuju raźviedku možna razhladać jak «filijał» HRU RF», — havorycca ŭ spravazdačy.
U spravazdačy zhadvajecca Siarhiej Baranaŭ, supracoŭnik HRU Hienštaba US Biełarusi, a taksama aficery rasijskaha HRU Alaksiej Pyžykaŭ, Alaksiej Leśnikaŭ, Mikałaj Čaćvierykoŭ, Alaksandr Jušyn, Alaksandr Hładkoŭ i Ryhor Ivanoŭ.
Jak zajaŭlaje MIDD, rasijskaje HRU viarbuje ahientaŭ dla zboru raźvieddadzienych i šukaje inšych asob, jakich možna ŭciahnuć u supracoŭnictva.
Za stvareńnie rasijskaj ahienturnaj sietki na apieratyŭna-taktyčnym uzroŭni adkazvajuć raźviedvalnyja centry ŭ Maskvie, Sankt-Pieciarburhu, Kalininhradzie i Smalensku. Jany asabliva aktyŭna zajmajucca viarboŭkaj hramadzian, jakija rehularna jeździać u Rasiju ci Biełaruś.
U spravazdačy taksama havorycca ab roście palityčnaha i ekanamičnaha ŭpłyvu Rasii ŭ Biełarusi.
«Dyktatar Alaksandr Łukašenka sprabuje adnavić kantakty z zachodnimi krainami z metaj źmiakčeńnia sankcyjaŭ suprać Biełarusi i stvareńnia iluzii suvierenitetu ŭ nasielnictva krainy. Faktyčna Łukašenka akazaŭsia zaležnym ad prychilnaści Kramla, jaki vykarystoŭvaje Biełaruś jak prydatak rasijskaha vajenna-pramysłovaha kompleksu, palityčnaha vasała i dadatkovy prapahandyscki instrumient», — havorycca ŭ spravazdačy.
MIDD ličyć, što ŭpłyŭ Rasii na Biełaruś, u tym liku niefarmalny, vierahodna zachavajecca i biez Łukašenki, niezaležna ad farmalnaj struktury ŭłady ŭ Biełarusi.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary