U dačynieńni da jaho ŭ Biełarusi zaviedziena čarhovaja kryminalnaja sprava pa fakcie «chulihanstva».
Pra heta BiełaPAN paviedamiła jaho žonka Maryna Lebiedzieva.
Pavodle jaje słoŭ, A.Šydłoŭski vymušany prasić palityčnaje prystanišča ŭ suviazi z tym, što ŭ Biełarusi ŭ dačynieńni da jaho raspačata sprava pavodle č. 3 art. 339 Kryminalnaha kodeksa (chulihanstva), na padstavie jakoj jamu pahražaje 10 hadoŭ pazbaŭleńnia voli. M.Lebiedzieva patłumačyła, što kryminalnaja sprava była raspačata paśla bojki ŭ kramie. "Heta była pravakacyja, — ličyć žonka. — Loša pasvaryŭsia z pradaŭcom kramy z-za partreta Łukašenki, što stajaŭ na pryłaŭku. Loša hety partret staviŭ tvaram uniz, a pradaviec jaho padymaŭ. Zatym pradaviec šturchnuŭ Lošu, pačaŭ jaho bić. Da ich padbieh jašče adzin supracoŭnik kramy, i jany pačali bić jaho udvuch, a Loša staŭ adbivacca. Tut ža pryjšła milicyja i aryštavała Lošu".
M.Lebiedzieva paviedamiła, što ciapier A.Šydłoŭski znachodzicca ŭ Čechii ŭ śpiecyjalnym łahiery dla biežancaŭ. "Jon miesiac pavinien być u karancinie, — skazała žonka. — Paśla zaviaršeńnia hetaha terminu pačniecca razhlad jaho dakumientaŭ na atrymańnie statusu palityčnaha biežanca i atrymańnie ženieŭskaha pašparta. Razhlad spravy moža doŭžycca ad dvuch miesiacaŭ da dvuch hadoŭ".
Nahadajem, u lutym 1998 hoda A.Šydłoŭski byŭ pryhavorany da 1,5 hoda pazbaŭleńnia voli pa abvinavačańni ŭ złosnym chulihanstvie za naniasieńnie antyprezidenckaha hrafici na ścienach damoŭ horada Stoŭbcy Minskaj vobłaści. U 2001 hodzie za ŭdzieł u dziejnaści niezarehistravanaha maładziožnaha ruchu "Zubr" A.Šydłoŭski byŭ pryhavorany da dvuch hadoŭ papraŭčych rabot i vyklučany ź Instytuta sučasnych viedaŭ.
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»51
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary