Druhi miesiac u Minsku idzie biesprecedentnaja reforma ŽKH. U Pieršamajskim rajonie, naprykład, kolkaść kiraŭnikoŭ skaraciłasia napałovu.
U ofisach pa vulicy Kiedyški, 27 ciapier susiedničajuć nie adna, a dźvie struktury: ŽREA i KUP «Žyllovaja kamunalnaja haspadarka Pieršamajskaha rajona». U adnoj zamiest 278 śpiecyjalistaŭ zastałosia 93, u inšaj — źjaviłasia 55. Razam: minus 130 kiraŭnikoŭ.
Heta pieršy plus raspačataj z 1 sakavika radykalnaj reformy haradskoj struktury ŽKH. Z 1 maja ŭ Pieršamajskim rajonie źniknuć 17 ŽESaŭ. Ich źmieniać 7 žyllova-ekspłuatacyjnych učastkaŭ, abjadnaŭšy najlepšych i daśviedčanych rabotnikaŭ.
Zarpłata chaus-majstroŭ — ad 5,6 miljona rubloŭ u miesiac da 7,8 miljona. Uličvajecca jakaść pracy i pamianšeńnie skarhaŭ žycharoŭ. Na druhim miesiacy reformaŭ kolkaść kamunalnych skarhaŭ i zajavak u rajonie źmienšyłasia na 3-10%. Adnak hałoŭny vynik čakajecca ŭ nastupnym hodzie, kali KUP «Žyllovaja kamunalnaja haspadarka Pieršamajskaha rajona» praviadzie tendery pa vybary padradčyka.
«Na tender moža pryjści chto zaŭhodna, — raskryvaje praviły hulni Alaksandr Manievič, dyrektar KUP «Žyllovaja kamunalnaja haspadarka Pieršamajskaha rajona». — Łoty buduć pradstaŭlać saboj peŭnyja ŭčastki, naprykład, žyły masiŭ u 200 damoŭ ahulnaj płoščaj 650 tysiač kvadratnych mietraŭ. Pretendent budzie adkazvać za ŭsio: uborku, techabsłuhoŭvańnie, stan terytoryi. A my jamu pryznačajem płanava-raźlikovuju canu».
Dalej idzie handal: chto prapanuje mienšuju canu. U suiskalnika pavinien być siertyfikat, navučany piersanał, i jak minimum 5 hadoŭ dośviedu pracy. A hałoŭnaja meta ekśpierymientu — haradžanie pavinny adčuć kamfort i kłopat pry ŭmieranym košcie na pasłuhi ŽKH. Da kanca hoda takuju reformu projduć usie rajony Minska.
Kamientary