Другі месяц у Мінску ідзе беспрэцэдэнтная рэформа ЖКГ. У Першамайскім раёне, напрыклад, колькасць кіраўнікоў скарацілася напалову.
У офісах па вуліцы Кедышкі, 27 цяпер суседнічаюць не адна, а дзве структуры: ЖРЭА і КУП «Жыллёвая камунальная гаспадарка Першамайскага раёна». У адной замест 278 спецыялістаў засталося 93, у іншай — з'явілася 55. Разам: мінус 130 кіраўнікоў.
Гэта першы плюс распачатай з 1 сакавіка радыкальнай рэформы гарадской структуры ЖКГ. З 1 мая ў Першамайскім раёне знікнуць 17 ЖЭСаў. Іх зменяць 7 жыллёва-эксплуатацыйных участкаў, аб'яднаўшы найлепшых і дасведчаных работнікаў.
Зарплата хаус-майстроў — ад 5,6 мільёна рублёў у месяц да 7,8 мільёна. Улічваецца якасць працы і памяншэнне скаргаў жыхароў. На другім месяцы рэформаў колькасць камунальных скаргаў і заявак у раёне зменшылася на 3-10%. Аднак галоўны вынік чакаецца ў наступным годзе, калі КУП «Жыллёвая камунальная гаспадарка Першамайскага раёна» правядзе тэндэры па выбары падрадчыка.
«На тэндэр можа прыйсці хто заўгодна, — раскрывае правілы гульні Аляксандр Маневіч, дырэктар КУП «Жыллёвая камунальная гаспадарка Першамайскага раёна». — Лоты будуць прадстаўляць сабой пэўныя ўчасткі, напрыклад, жылы масіў у 200 дамоў агульнай плошчай 650 тысяч квадратных метраў. Прэтэндэнт будзе адказваць за ўсё: уборку, тэхабслугоўванне, стан тэрыторыі. А мы яму прызначаем планава-разліковую цану».
Далей ідзе гандаль: хто прапануе меншую цану. У суіскальніка павінен быць сертыфікат, навучаны персанал, і як мінімум 5 гадоў досведу працы. А галоўная мэта эксперыменту — гараджане павінны адчуць камфорт і клопат пры ўмераным кошце на паслугі ЖКГ. Да канца года такую рэформу пройдуць усе раёны Мінска.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары