Mininfarm znoŭ pradstaviŭ «Adziny partał biełaruskich ŚMI»
Doŭhabud belsmi.by aficyjna zapuściŭsia praz 5 hod raspracoŭki.
Na vystavie «ŚMI ŭ Biełarusi» byŭ pradstaŭleny «Adziny partał Biełaruskich ŚMI» pa adrasie belsmi.by.
«Adziny partał» pracuje jak ahrehatar navin ź dziaržSMI. Na partale ŭžo raźmieščanyja tysiačy publikacyj sa 170 krynic, siarod jakich dziaržaŭnyja haziety i infarmahienctvy ŭsich uzroŭniaŭ.
Kiravać infarmacyjnaj palitykaj budzie redakcyja «SB. Biełaruś siehodnia». Na momant publikacyi partał mieŭ tolki ruskamoŭnuju viersiju.
Raspracoŭka partału była ŭklučanaja ŭ Nacyjanalnuju prahramu paskoranaha raźvićcia pasłuh u śfiery IKT na 2011-2015 hady.
«Stvareńnie «adzinaha punktu ŭvachodu» dla dziaržaŭnych ŚMI ŭ hłabalnaj kampjuternaj sietcy Internet zabiaśpiečyć efiektyŭnuju prysutnaść dziaržaŭnaj pazicyi ŭ nacyjanalnym siehmiencie hłabalnaj kampjutarnaj sietki Internet, u tym liku apieratyŭnaje reahavańnie na ŭźnikajučyja infarmacyjnyja nahody», — pisałasia ŭ prahramie.
Testavaja viersija partału była zapuščanaja jašče ŭ 2011 hodzie, pry minułym ministry infarmacyi Aleham Pralaskoŭskim. Z taho času sajt źmianiŭ dyzajn, a ŭ Biełarusi źmianiŭsia ministr infarmacyi.
Pry stvareńni prahramy płanavałasia, što ŭ 2012 hodzie naviedvalnaść partału składzie 10 tysiač naviedvańniaŭ na miesiac, u 2013-m — 50 tysiač, praz hod — 100 tysiač, a ŭ 2015-m dasiahnie 200 tysiač prahladaŭ na miesiac.
Abjom zatračanych na partał srodkaŭ zastaŭsia nienazvanym.
Čytajcie taksama:
Bajnet «lažaŭ» dvojčy za dzień
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary