U katedžnym pasiołku kala vioski Ahałatava, raźmieščanaj prykładna ŭ 20 km ad Sankt-Pieciarburha, adbyłasia cyrymonija adkryćcia biusta prezidenta Rasii Uładzimira Pucina, vykananaha ŭ vobrazie rymskaha impieratara — apranuty ŭ tohu nad staražytnych łatami.
Na hrudziach prezidenta krasujecca miedal z hierbam Rasii. Paviedamlajecca, što na hałavu skulptury płanavali taksama źmiaścić łaŭrovy vianok, adnak ad hetaj idei ŭ vyniku admovilisia.
Inicyjataram adkryćcia pomnika vystupiła haradskoje kazačaje tavarystva Sankt-Pieciarburha «Irbis».
Na dumku amatana hramadstva Andreja Palakova, jakoha cytuje Deutsche Welle, «u hetym vobrazie — simvał našaj rasijskaj demakratyi».
Jak tłumačyć sam Palakoŭ, ideja adkryćcia pomnika ŭźnikła ŭ jaho paśla anieksii Rasijaj Kryma, jakuju sam jon ličyć «viartańniem našych ruskich ziamiel» i paraŭnoŭvaje z padzieńniem Bierlinskaj ściany.
Biust ustalavany ŭ pryvatnych uładańniach atamana, tamu nijakich uzhadnieńniaŭ na jaho ŭstanoŭku nie spatrebiłasia.
Ciapier čytajuć
«Łukašenka taki: Nazarbajeŭ kaža, što treba sychodzić, a ja nie baču pierajemnikaŭ». Siemčanka — pra sustreču z Łukašenkam letam 2020‑ha10
Kamientary