Skandał u Partuhalii: palicyja źbiła fanata na vačach jaho dziaciej VIDEA
Padčas śviatkavańnia ŭ Lisabonie čarhovaj pieramohi miascovaj «Bienfiki» ŭ čempijanacie Partuhalii palicyja biez usialakaj padstavy napała na siamju, jakaja prymała ŭdzieł u śviatkavańni ŭ horadzie.
Na videa, jakoje ablacieła sieciva chutka paśla zdareńnia, bačna, jak palicyjant biez anijakaj matyvacyi napadaje na baćku dvuch synoŭ (9 i 13 hod), jakija znachodzilisia pobač, a paśla atakuje i ich dzieda. Paśla palicyjanty praciahvajuć z vykarystańniem dubinak źbivać mužčynu, jaki ŭžo lažyć na ziamli. Bačna, što dzieci vielmi napužanyja, a palicyja sprabuje adšturchnuć ich ad baćki, jak i ich dzieda.
Nahadajem, što ŭ niadzielu lisabonskaja «Bienfika» ŭ 34 raz u historyi stała čempijonam Partuhalii pa futbole, zhulaŭšy ŭničyju na vyjeździe suprać «Viktoryi Himaraješ» (0:0). Śviatkavańni zaŭziataraŭ kamandy adbyvalisia pa ŭsioj partuhalskaj stalicy i praciahvalisia až da ranicy paniadziełka.
Kamientary