Pasolstva Francyi abviaściła fotakonkurs «Moj kadr u abaronu pryrody»
Jak paviedamili ŭ pres-słužbie dypmisii, fotakonkurs pravodzicca ŭ miežach mierapryjemstvaŭ pa baraćbie sa źmianieńniem klimatu, jakija prachodziać u francuzskich pasolstvach pa ŭsim śviecie.
«U 2015 hodzie klimat staŭ adnym z pryjarytetaŭ źniešniaj palityki Francyi, — zaznačajecca ŭ paviedamleńni. — Mierapryjemstvy pa tematycy klimatyčnych źmianieńniaŭ pravodziacca pa ŭsim śviecie na praciahu hetaha hoda. C 30 listapada pa 11 śniežnia ŭ Paryžy projdzie Kanfierencyja bakoŭ ramačnaj kanviencyi AAN pa pytańniach źmianieńnia klimatu COP21».
Udzieł u fotakonkursie mohuć uziać jak prafiesijnyja fatohrafy, tak i fotaamatary. Ad adnaho ŭdzielnika prymajecca da troch zdymkaŭ ci adna sieryja (da siami fatahrafij z ahulnym apisańniem). Farmat vyjaŭ — JPEG; pamier karcinki pavinien być nie mienš jak 20ch30 sm, pamier fajła nie bolš za 3 MB. Nazva kožnaha fajła pavinna składacca ź imia i proźvišča fatohrafa łacinskimi litarami imia-prozvishcha-nomer.jpg. Konkursnyja raboty nie pavinny ŭtrymlivać jakich-niebudź aŭtarskich ramak ci znakaŭ. Da ŭdziełu ŭ konkursie nie dapuskajucca fatahrafii niepaŭnaletnich, parnahrafičnaha źmiestu ci zdymki, jakija parušajuć aŭtarskija ci inšyja pravy, padkreślivajecca ŭ paviedamleńni.
Fatohraf pavinien źjaŭlacca aŭtaram i pravaŭładalnikam zdymkaŭ, pradstaŭlenych na konkurs. Dasyłajučy fatahrafii, aŭtar pahadžajecca z umovami konkursu, a taksama z tym, što hetyja fatahrafii mohuć być vykarystanyja arhanizatarami konkursu dla publikacyi ŭ drukavanym ci elektronnym vyhladzie dla prasoŭvańnia konkursu ŭ lubym vyhladzie biez vypłaty jakich-niebudź materyjalnych uznaharod. U vypadku parušeńnia aŭtarskich pravoŭ arhanizatary konkursu pakidajuć za saboj prava vyklučyć usie sprečnyja raboty aŭtara ź liku konkursnych. Pryniataje rašeńnie abskardžańniu nie padlahaje.
Raboty na konkurs nieabchodna dasyłać na adras elektronnaj pošty [email protected] z paznakaj «COP21».
Apošni dzień pryjomu rabot — 25 červienia. Vyniki konkursu buduć abvieščanyja 14 lipienia.
Pieramožcaŭ vyznačyć žury, jakoje składajecca z prafiesijnych fatohrafaŭ i pradstaŭnikoŭ ekałahičnych ruchaŭ. Staršynioj žury źjaŭlajecca pieršy savietnik pasolstva Francyi Elza Pińjol.
Pryzy konkursu — elektronnaja kniha i fotaalbomy. Fotakonkurs pravodzicca pasolstvam Francyi sumiesna z tavarystvam «Zialonaja sietka» pry infarmacyjnaj padtrymcy fotapartała «ZNJaTA».
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY4
Kamientary