Пасольства Францыі абвясціла фотаконкурс «Мой кадр у абарону прыроды»
Як паведамілі ў прэс-службе дыпмісіі, фотаконкурс праводзіцца ў межах мерапрыемстваў па барацьбе са змяненнем клімату, якія праходзяць у французскіх пасольствах па ўсім свеце.
«У 2015 годзе клімат стаў адным з прыярытэтаў знешняй палітыкі Францыі, — зазначаецца ў паведамленні. — Мерапрыемствы па тэматыцы кліматычных змяненняў праводзяцца па ўсім свеце на працягу гэтага года. C 30 лістапада па 11 снежня ў Парыжы пройдзе Канферэнцыя бакоў рамачнай канвенцыі ААН па пытаннях змянення клімату COP21».
Удзел у фотаконкурсе могуць узяць як прафесійныя фатографы, так і фотааматары. Ад аднаго ўдзельніка прымаецца да трох здымкаў ці адна серыя (да сямі фатаграфій з агульным апісаннем). Фармат выяў — JPEG; памер карцінкі павінен быць не менш як 20х30 см, памер файла не больш за 3 МБ. Назва кожнага файла павінна складацца з імя і прозвішча фатографа лацінскімі літарамі imia-prozvishcha-nomer.jpg. Конкурсныя работы не павінны ўтрымліваць якіх-небудзь аўтарскіх рамак ці знакаў. Да ўдзелу ў конкурсе не дапускаюцца фатаграфіі непаўналетніх, парнаграфічнага зместу ці здымкі, якія парушаюць аўтарскія ці іншыя правы, падкрэсліваецца ў паведамленні.
Фатограф павінен з'яўляцца аўтарам і праваўладальнікам здымкаў, прадстаўленых на конкурс. Дасылаючы фатаграфіі, аўтар пагаджаецца з умовамі конкурсу, а таксама з тым, што гэтыя фатаграфіі могуць быць выкарыстаныя арганізатарамі конкурсу для публікацыі ў друкаваным ці электронным выглядзе для прасоўвання конкурсу ў любым выглядзе без выплаты якіх-небудзь матэрыяльных узнагарод. У выпадку парушэння аўтарскіх правоў арганізатары конкурсу пакідаюць за сабой права выключыць усе спрэчныя работы аўтара з ліку конкурсных. Прынятае рашэнне абскарджанню не падлягае.
Работы на конкурс неабходна дасылаць на адрас электроннай пошты [email protected] з пазнакай «COP21».
Апошні дзень прыёму работ — 25 чэрвеня. Вынікі конкурсу будуць абвешчаныя 14 ліпеня.
Пераможцаў вызначыць журы, якое складаецца з прафесійных фатографаў і прадстаўнікоў экалагічных рухаў. Старшынёй журы з'яўляецца першы саветнік пасольства Францыі Эльза Піньёль.
Прызы конкурсу — электронная кніга і фотаальбомы. Фотаконкурс праводзіцца пасольствам Францыі сумесна з таварыствам «Зялёная сетка» пры інфармацыйнай падтрымцы фотапартала «ZНЯТА».
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары