Kanada nie pahodzicca na adnaŭleńnie «Vialikaj vaśmiorki», prynamsi da taho času, pakul Uładzimir Pucin zastajecca prezidentam Rasii, zajaviŭ u čaćvier u intervju ahienctvu Associated Press premjer-ministr Kanady Styvien Charper.
Kanada, pavodle słoŭ premjer-ministra, rašuča nie prymie lubuju mahčymaść viartańnia Uładzimira Pucina za ahulny stoł ź lidarami siami viadučych zachodnich dziaržaŭ.
«Rašeńnie ab viartańni Rasii zapatrabuje kansensusu, hetaha kansensusu nie budzie», — papiaredziŭ kanadski lidar. Jon rastłumačyŭ u intervju, što, na jaho dumku, u svaich ujaŭleńniach Pucin zychodzić z taho, što «chałodnaja vajna» praciahvajecca, i rasijski lidar ličyć, što jon zdolny źmianić jaje zychod.
«Spatrebicca na heta piać miesiacaŭ abo piaćdziasiat hadoŭ, ni Kanada, ni Zachad nie pryznajuć akupacyju Rasijaj Kryma abo inšaj častki terytoryi Ukrainy», — padkreśliŭ premjer-ministr Kanady Styvien Charper. Jon daŭ intervju za dva dni da pačatku samitu «Vialikaj siamiorki» ŭ Bavaryi.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary