Jon byŭ vyzvaleny ŭ suviazi sa źmianieńniem pakarańnia na bolš miakkaje.
Pavodle jaho słoŭ, A.Klimaŭ byŭ vyzvaleny ŭ suviazi sa źmianieńniem pakarańnia na bolš miakkaje. «Na jakoje — pakul nieviadoma», — skazaŭ C.Drančuk.
Jon paviedamiŭ, što Klimava pad kanvojem dastavili na vakzał Mazyra i pasadzili ŭ ciahnik «Minsk — Homiel — Kalinkavičy — Minsk». Takim čynam, ranicaj 16 lutaha A.Klimaŭ budzie ŭ Minsku.
Nahadajem, A.Klimaŭ byŭ aryštavany 3 krasavika 2007 hoda za apublikavanyja ŭ interniecie artykuły. 1 žniŭnia sud Centralnaha rajona Minska pryznaŭ jaho vinavatym va ŭčynieńni złačynstva, praduhledžanaha č. 3 art. 361 Kryminalnaha kodeksa Biełarusi (publičnyja zakliki da zachopu dziaržaŭnaj ułady abo nasilnaha źmianieńnia kanstytucyjnaha ładu z vykarystańniem ŚMI). Pryčynaj dla abvinavačańnia stała publikacyja na sajcie ucpb.org. Palityka asudzili da dvuch hadoŭ pazbaŭleńnia voli z adbyvańniem pakarańnia ŭ kałonii strohaha režymu. 2 kastryčnika minułaha hoda kalehija Minskaha haradskoha suda adchiliła kasacyjnuju skarhu pa spravie A.Klimava. Pakarańnie jon adbyvaŭ u Mazyrskaj papraŭčaj kałonii № 20 (Homielskaja vobłaść).
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»54
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary