Na hetym tydni ŭ punkcie papiaredniaha apaviaščeńnia «Čyrvonaja Horka» ŭ prysutnaści pradstaŭnikoŭ biełaruskaj vieterynarnaj słužby aformlena viartańnie AAT «Biełryba» bolš za 15 ton łasosievaj ikry, paviedamiła 17 lipienia ŭpraŭleńnie Raśsielhasnahladu pa Branskaj i Smalenskaj abłaściach.
Dalikatesny pradukt byŭ rasfasavany ŭ blašanyja trochkiłahramovyja banki.
Pryčynaj mier abmiežavalnaha charaktaru źjavilisia surjoznyja parušeńni, vyjaŭlenyja inśpiektarami padčas papiaredniaha kantrolu charčovaj pradukcyi, što nakiroŭvałasia ŭ adras maskoŭskaj jurydyčnaj asoby.
Ustanoŭlena, što vieterynarny siertyfikat zapoŭnieny pradstaŭnikami rajonnaj vieterynarnaj stancyi Minska z parušeńniami. Dakumient nie tłumačyć, ci prajšła pradukcyja vieterynarna-sanitarnuju ekśpiertyzu ŭ poŭnym abjomie abo vyrablena z syraviny, jakaja prajšła vieterynarna-sanitarnuju ekśpiertyzu. Supravadžalnyja dakumienty nie ŭtrymlivali nijakaj infarmacyi ab pachodžańni syraviny, jaje jakaści i biaśpiecy.
Pavodle danych, atrymanych upraŭleńniem Raśsielhasnahladu šlacham elektronnaha ŭliku, «Biełryba» atrymlivaje marožanuju ikru sa ZŠA i Danii. Pastaŭki z hetych krain na terytoryju Rasii ciapier nie dapuskajucca.
Akramia taho, fasoŭka ŭ banki vahoj u try kiłahramy dapuskaje mahčymaść pieratarvańnia tavaru. Pry vyvučeńni źniešniaha vyhladu banki vyjaŭlena dvajnaja markiroŭka. Data vypracoŭki ikry pastaŭlena ŭ vyhladzie stykiera, tady jak u adpaviednaści z narmatyŭnymi dakumientami jana pavinna być vybita na bancy.
Vieterynarna-sanitarny stan transpartnaha srodku, jaki pieravoziŭ ikru, pryznany niezdavalniajučym.
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary