На гэтым тыдні ў пункце папярэдняга апавяшчэння «Чырвоная Горка» ў прысутнасці прадстаўнікоў беларускай ветэрынарнай службы аформлена вяртанне ААТ «Белрыба» больш за 15 тон ласосевай ікры, паведаміла 17 ліпеня ўпраўленне Рассельгаснагляду па Бранскай і Смаленскай абласцях.
Далікатэсны прадукт быў расфасаваны ў бляшаныя трохкілаграмовыя банкі.
Прычынай мер абмежавальнага характару з'явіліся сур'ёзныя парушэнні, выяўленыя інспектарамі падчас папярэдняга кантролю харчовай прадукцыі, што накіроўвалася ў адрас маскоўскай юрыдычнай асобы.
Устаноўлена, што ветэрынарны сертыфікат запоўнены прадстаўнікамі раённай ветэрынарнай станцыі Мінска з парушэннямі. Дакумент не тлумачыць, ці прайшла прадукцыя ветэрынарна-санітарную экспертызу ў поўным аб'ёме або выраблена з сыравіны, якая прайшла ветэрынарна-санітарную экспертызу. Суправаджальныя дакументы не ўтрымлівалі ніякай інфармацыі аб паходжанні сыравіны, яе якасці і бяспецы.
Паводле даных, атрыманых упраўленнем Рассельгаснагляду шляхам электроннага ўліку, «Белрыба» атрымлівае марожаную ікру са ЗША і Даніі. Пастаўкі з гэтых краін на тэрыторыю Расіі цяпер не дапускаюцца.
Акрамя таго, фасоўка ў банкі вагой у тры кілаграмы дапускае магчымасць ператарвання тавару. Пры вывучэнні знешняга выгляду банкі выяўлена двайная маркіроўка. Дата выпрацоўкі ікры пастаўлена ў выглядзе стыкера, тады як у адпаведнасці з нарматыўнымі дакументамі яна павінна быць выбіта на банцы.
Ветэрынарна-санітарны стан транспартнага сродку, які перавозіў ікру, прызнаны нездавальняючым.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае16
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары